സു​ൽ​ത്താ​​ൻ ക​പ്പി​ൽ ആ​ദ്യ മു​ത്തം; ആ​ഹ്ലാ​ദ​​ത്തേ​രി​ൽ അ​ൽ ന​ഹ്​​ദ

മ​സ്ക​ത്ത്​: 52ാമ​ത്​ സു​ൽ​ത്താ​ൻ ക​പ്പി​ന്റെ ഫൈ​ന​ൽ വി​സി​ൽ മു​ഴ​ങ്ങി​യ​പ്പോ​ൾ, ഒ​മാ​ൻ ദേ​ശീ​യ ഫു​ട്ബാ​ൾ ടീ​മി​ന്റെ താ​രം​കൂ​ടി​യാ​യ അ​ൽ ന​ഹ്ദ ഗോ​ൾ കീ​പ്പ​ർ ഇ​ബ്രാ​ഹീം അ​ൽ മു​ഖൈ​നി കു​നി​ഞ്ഞി​രു​ന്ന് ഗ്രൗ​ണ്ടി​ൽ ചും​ബി​ച്ചു. അ​ൽ ന​ഹ്ദ ക്ല​ബി​ന്റെ ക​ഴി​ഞ്ഞ 20 വ​ർ​ഷ​മാ​യു​ള്ള കി​രീ​ട കാ​ത്തി​രി​പ്പി​ന്റെ വ​ര​ൾ​ച്ച​യി​ലേ​ക്കു പെ​യ്തി​റ​ങ്ങി​യ കു​ളി​ർ​മ​ഴ​യാ​യി​രു​ന്നു ആ ​ചും​ബ​നം.

മൂ​ന്നു ത​വ​ണ ക​പ്പി​നും ചു​ണ്ടി​നും ഇ​ട​യി​ൽ ന​ഷ്ട​പ്പെ​ട്ട രാ​ജ്യ​ത്തെ ഫു​ട്ബാ​ൾ ച​രി​ത്ര​ത്തി​ലെ അ​ഭി​മാ​ന​കി​രീ​ടം ഇ​ത്ത​വ​ണ ത​ങ്ങ​ൾ​ക്ക് കി​ട്ടു​മെ​ന്ന് അ​ൽ ന​ഹ്​​ദ​യു​ടെ ആ​രാ​ധ​ക​ർ​ക്ക് വി​ശ്വാ​സം ഇ​ല്ലാ​യി​രു​ന്നു. എ​തി​രാ​ളി​ക​ൾ നി​ല​വി​ലെ ജേ​താ​ക്ക​ളാ​യ സീ​ബ് ക്ല​ബ് അ​വ​രു​ടെ ച​രി​ത്ര​ത്തി​ലെ​ത​ന്നെ ഉ​ജ്ജ്വ​ല ഫോ​മി​ലും ആ​ത്മ​വി​ശ്വാ​സ​ത്തി​ലു​മാ​ണ് എ​ന്ന​തു​ത​ന്നെ​യാ​യി​രു​ന്നു ഇ​തി​നു​ള്ള കാ​ര​ണം. ക്ല​ബി​ന്റെ 20 വ​ർ​ഷ​ത്തെ ച​രി​ത്ര​ത്തി​ൽ, അ​ഭി​മാ​നി​ക്കാ​ൻ വ​ക​ന​ൽ​കു​ന്ന കി​രീ​ട​നേ​ട്ടം ഒ​ന്നു​മി​ല്ലാ​ത്ത അ​ൽ ന​ഹ്ദ, സു​ൽ​ത്താ​ൻ ക​പ്പ് വി​ജ​യ​ത്തോ​ടെ രാ​ജ്യ​ത്തെ വ​ലി​യ ക്ല​ബു​ക​ളു​ടെ പ​ട്ടി​ക​യി​ലേ​ക്ക് ക​ട​ന്നു.

കോ​ട്ട കാ​ത്ത്​ ഇ​ബ്രാ​ഹീം മു​ഖൈ​നി

സീ​ബി​ന്റെ അ​മി​ത ആ​ത്മ​വി​ശ്വാ​സ​മാ​ണ് അ​വ​രു​ടെ പ​രാ​ജ​യ​ത്തി​ന് വ​ഴി​വെ​ച്ച​ത്. ഒ​മാ​ൻ ദേ​ശീ​യ ഫു​ട്ബാ​ൾ ടീ​മി​ന്റെ കു​ന്ത​മു​ന എ​ന്നു വി​ശേ​ഷി​പ്പി​ക്കാ​വു​ന്ന സാ​ലാ അ​ൽ യ​ഹ്‌​യാ​യി ന​യി​ക്കു​ന്ന മു​ന്നേ​റ്റ​നി​ര​യി​ൽ ഈ​ദ്‌ അ​ൽ ഫാ​ർ​സി, മു​ഹ​മ്മ​ദ് അ​ൽ മു​സ​ല്ല​മി, അ​ബ്ദു​ൽ ല​ത്തീ​ഫ് മ​ഖ്‌​ബാ​ലി, മു​ഹ്​​സി​ൻ അ​ൽ ഗ​സാ​നി, അ​ലി അ​ൽ ബു​സൈ​ദി ഉ​ൾ​െ​പ്പ​ടെ നി​ര​വ​ധി താ​ര​ങ്ങ​ൾ ഉ​ണ്ടാ​യി​ട്ടും അ​തൊ​ന്നും ക​ളി​ക്ക​ള​ത്തി​ൽ പ്ര​ക​ട​മാ​യി​ല്ല. മ​ത്സ​രം ആ​രം​ഭി​ക്കു​ന്ന​തി​നു മു​മ്പു​ള്ള സീ​ബ് താ​ര​ങ്ങ​ളു​ടെ ശ​രീ​ര​ഭാ​ഷ കി​രീ​ടം നേ​ടി​ക്ക​ഴി​ഞ്ഞു എ​ന്ന മ​ട്ടി​ലാ​യി​രു​ന്നു. എ​ന്നാ​ൽ, മ​റു​വ​ശ​ത്തും ഒ​മാ​ൻ ദേ​ശീ​യ ടീം ​ക​ളി​ക്കാ​ർ ഉ​ണ്ടാ​യി​രു​ന്നെ​ങ്കി​ലും പോ​സ്റ്റി​നു മു​ന്നി​ൽ ഉ​രു​ക്കു​കോ​ട്ട പോ​ലെ ഉ​റ​ച്ചു​നി​ന്ന ഗോ​ൾ കീ​പ്പ​ർ ഇ​ബ്രാ​ഹീം അ​ൽ മു​ഖൈ​നി​യു​ടെ അ​വി​ശ്വ​സ​നീ​യ പ്ര​ക​ട​ന​മാ​ണ് അ​ൽ ന​ഹ്ദ​യു​ടെ ര​ക്ഷ​ക്കെ​ത്തി​യ​ത്.

ആ​ദ്യ പ​കു​തി വി​ര​സം

മ​ത്സ​രം ന​ട​ന്ന ത​ല​സ്ഥാ​ന ന​ഗ​രി​യാ​യ മ​സ്ക​ത്തി​ൽ​നി​ന്നു​ള്ള ടീ​മാ​യ സീ​ബി​ന് സ്റ്റേ​ഡി​യ​ത്തി​ലെ​ത്തി​യ ആ​യി​ര​ക്ക​ണ​ക്കി​ന് ആ​രാ​ധ​ക​രു​ടെ നി​റ​ഞ്ഞ പി​ന്തു​ണ മു​ത​ലാ​ക്കാ​നാ​യി​ല്ല. എ​ന്നാ​ൽ, രാ​ജ്യ​ത്തി​ന്റെ അ​തി​ർ​ത്തി​പ്ര​ദേ​ശ​മാ​യ ബു​റൈ​മി​യി​ൽ​നി​ന്നും മ​ത്സ​രം കാ​ണാ​ൻ സ്റ്റേ​ഡി​യ​ത്തി​ൽ എ​ത്തി​യ നൂ​റു​ക​ണ​ക്കി​ന് അ​ൽ ന​ഹ്ദ ആ​രാ​ധ​ക​രു​ടെ ആ​വേ​ശം അ​ണ​പൊ​ട്ടി​യൊ​ഴു​കി. മ​ന്ദ​ഗ​തി​യി​ൽ ആ​രം​ഭി​ച്ച മ​ത്സ​ര​ത്തി​ൽ വി​ങ്ങു​ക​ളി​ലൂ​ടെ ഇ​രു ടീ​മു​ക​ളും മു​ന്നേ​റ്റം ന​ട​ത്തി​യെ​ങ്കി​ലും ഗോ​ൾ മാ​ത്രം അ​ക​ന്നു​നി​ന്നു. ഇ​തി​നി​ട​ക്കാ​ണ്​ നി​ല​വി​ലെ ചാ​മ്പ്യ​ന്മാ​രെ ഞെ​ട്ടി​ച്ച്​ അ​ൽ ന​ഹ്ദ പെ​നാ​ൽ​റ്റി​യി​ലൂ​ടെ ഗോ​ൾ നേ​ടു​ന്ന​ത്. പ​ന്തു​മാ​യി കു​തി​ച്ചെ​ത്തി​യ അ​ൽ ന​ഹ്ദ​യു​ടെ മു​ന്നേ​റ്റ​താ​ര​ത്തെ ബോ​ക്സി​ൽ വീ​ഴ്ത്തി​യ​തി​ന്​ റ​ഫ​റി പെ​നാ​ൽ​റ്റി വി​ധി​ച്ചു.

കി​ക്കെ​ടു​ത്ത അ​ൻ​ത​റ​സ്​ അ​​നാ​യാ​സം ല​ക്ഷ്യം കാ​ണു​ക​യും ചെ​യ്തു. ര​ണ്ടാം പ​കു​തി​യി​ൽ സീ​ബി​ന്റെ ആ​ക്ര​മ​ണ​മാ​യി​രു​ന്നു ക​ണ്ട​ത്. മ​റു​വ​ശ​ത്ത് അ​ൽ ന​ഹ്ദ ആ​ക​ട്ടെ പ്ര​തി​രോ​ധം ശ​ക്ത​മാ​ക്കി. ക​ളി​യു​ടെ ഇ​ഞ്ച്വ​റി ടൈ​മി​ൽ സീ​ബി​ന്റെ ആ​ക്ര​മ​ണ​ത്തെ ഇ​ബ്രാ​ഹീം അ​ൽ മു​ഖൈ​നി​യു​ടെ മു​ഴു​നീ​ള ഡൈ​വു​ക​ൾ ആ​ണ് ര​ക്ഷി​ച്ച​ത്.

ഇ​നി ല​ക്ഷ്യം ഒ​മാ​ൻ ലീ​ഗ്

അ​ൽ ന​ഹ്ദ​ക്ക് അ​ടു​ത്ത ല​ക്ഷ്യം ഒ​മാ​ൻ ലീ​ഗ് ആ​ണ്. നി​ല​വി​ൽ ഒ​ന്നാം സ്ഥാ​ന​ത്തു​ള്ള അ​വ​ർ​ക്ക് 38 പോ​യ​ന്റും നാ​ലാം സ്ഥാ​ന​ത്തു​ള്ള സീ​ബി​ന് 29 പോ​യ​ന്റും ആ​ണു​ള്ള​ത്. 17 മ​ത്സ​രം വീ​ത​മാ​ണ് പൂ​ർ​ത്തി​യാ​യ​ത്. ഒ​മാ​ൻ ലീ​ഗ് കൂ​ടി നേ​ടി ത​ങ്ങ​ളു​ടെ ഈ ​വ​ർ​ഷ​ത്തെ നേ​ട്ടം അ​ര​ക്കി​ട്ടു​റ​പ്പി​ക്കാ​നാ​യി​രി​ക്കും അ​ൽ ന​ഹ്ദ​യു​ടെ ശ്ര​മം.

എ​ന്നാ​ൽ, കൈ​വി​ട്ടു​പോ​യ സു​ൽ​ത്താ​ൻ ക​പ്പി​നു പ​ക​രം ലീ​ഗ് കി​രീ​ടം നി​ല​നി​ർ​ത്താ​ൻ സീ​ബും ക​ഠി​ന​മാ​യി ശ്ര​മി​ക്കു​ന്ന നാ​ളു​ക​ൾ​ക്കാ​ണ് ആ​ഭ്യ​ന്ത​ര ഫു​ട്ബാ​ൾ സീ​സ​ൺ സാ​ക്ഷ്യം വ​ഹി​ക്കു​ക.