ഒമാനിൽ 476 പേർക്ക്​ കൂടി കോവിഡ്​

മസ്​കത്ത്​: ഒമാനിൽ 476 പേർക്ക്​ കൂടി കോവിഡ്​ സ്​ഥിരീകരിച്ചു. ഇതോടെ മൊത്തം രോഗം സ്​ഥിരീകരിച്ചവരുടെ എണ്ണം 90222 ആയി. 157 പേർക്ക്​ കൂടി രോഗം ഭേദമായി. 83928 പേരാണ്​ ഇതുവരെ രോഗമുക്​തരായത്​. 93 ശതമാനമാണ്​ രോഗമുക്​തി നിരക്ക്​. പത്തുപേർ കൂടി മരണപ്പെട്ടു. ഇതോടെ ആകെ മരണപ്പെട്ടവരുടെ എണ്ണം 790 ആയി. 69 പേരെ കൂടി ആശുപത്രിയിൽ പ്രവേശിപ്പിച്ചു. 497 പേരാണ്​ ആശുപത്രികളിൽ ചികിത്സയിലുള്ളത്​. ഇതിൽ 171 പേർ തീവ്ര പരിചരണ വിഭാഗത്തിലാണുള്ളത്​.