ഒമാനിൽ കോവിഡ്​ രോഗ വ്യാപനം കുറയുന്നു

മസ്​കത്ത്​: കോവിഡ്​ രോഗ വ്യാപനത്തിൽ കുറവ്​. 290 പേർക്കാണ്​ ശനിയാഴ്​ച കോവിഡ്​ സ്​ഥിരീകരിച്ചത്​. ഇതിൽ 231 പേർ സ്വദേശികളും 59 പേർ പ്രവാസികളുമാണ്​. ഇതോടെ മൊത്തം കോവിഡ്​ രോഗികളുടെ എണ്ണം 81357 ആയി. ഏഴുപേർ കൂടി മരണപ്പെട്ടതോടെ മരണസംഖ്യ 509 ആയി. 1218 പേർക്ക്​ കൂടി അസുഖം ഭേദമായി. ഇതോടെ മൊത്തം രോഗമുക്​തരുടെ എണ്ണം 73481 ആയി. 44 പേരെ കൂടി ആശുപത്രിയിൽ പ്രവേശിപ്പിച്ചു. ഇതോടെ ആശുപത്രിയിൽ ചികിത്സയിലുള്ളവരുടെ എണ്ണം 494 ആയി. ഇതിൽ 173 പേർ തീവ്ര പരിചരണ വിഭാഗത്തിലാണ്​ ഉള്ളത്​.