Top
Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_rightഒ​മാ​നി​ൽ...

ഒ​മാ​നി​ൽ തൊ​ഴി​ലാ​ളി​ക​ൾ​ക്ക്​ വൈകാതെ  മെ​ഡി​ക്ക​ൽ ഇ​ൻ​ഷു​റ​ൻ​സ്​ നിർബന്ധമാക്കും  

text_fields
bookmark_border
ഒ​മാ​നി​ൽ തൊ​ഴി​ലാ​ളി​ക​ൾ​ക്ക്​ വൈകാതെ  മെ​ഡി​ക്ക​ൽ ഇ​ൻ​ഷു​റ​ൻ​സ്​ നിർബന്ധമാക്കും  
cancel
മ​സ്​​ക​ത്ത്​: ഒ​മാ​നി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ​ക​മ്പ​നി​ക​ൾ വൈ​കാ​തെ ത​ങ്ങ​ളു​ടെ തൊ​ഴി​ലാ​ളി​ക​ൾ​ക്ക്​ നി​ർ​ബ​ന്ധി​ത മെ​ഡി​ക്ക​ൽ ഇ​ൻ​ഷു​റ​ൻ​സ്​ ല​ഭ്യ​മാ​ക്കേ​ണ്ടി​വ​രു​മെ​ന്ന്​ കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി അ​റി​യി​ച്ചു. 
വി​ദേ​ശി തൊ​ഴി​ലാ​ളി​ക​ളെ​യും ഇ​തി​ൽ ഉ​ൾ​പ്പെ​ടു​ത്തും.  ഒ​മാ​നി​ലെ സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും മെ​ഡി​ക്ക​ൽ ഇ​ൻ​ഷു​റ​ൻ​സ്​ നി​ർ​ബ​ന്ധ​മാ​ക്കാ​നു​ള്ള മ​ന്ത്രി​സ​ഭ കൗ​ൺ​സി​ലി​​െൻറ ഉ​ത്ത​ര​വി​ന്​ തു​ട​ർ​ച്ച​യാ​യാ​ണ്​ ന​ട​പ​ടി. നി​ർ​ബ​ന്ധി​ത മെ​ഡി​ക്ക​ൽ ഇ​ൻ​ഷു​റ​ൻ​സി​​െൻറ ക​ര​ടി​ന്​ രൂ​പം ന​ൽ​കി​വ​രു​ക​യാ​ണെ​ന്ന്​ കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി പ​ത്ര​ക്കു​റി​പ്പി​ൽ അ​റി​യി​ച്ചു. ബ​ന്ധ​പ്പെ​ട്ട സ്​​ഥാ​പ​ന​ങ്ങ​ളു​മാ​യി ചേ​ർ​ന്നാ​ണ്​ ഇ​തു​​സം​ബ​ന്ധി​ച്ച പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. സ്വ​കാ​ര്യ മേ​ഖ​ല​യി​ലെ തൊ​ഴി​ലാ​ളി​ക​ളു​ടെ അ​ടി​സ്​​ഥാ​ന ആ​രോ​ഗ്യ പ​രി​ര​ക്ഷ ഉ​റ​പ്പാ​ക്കു​ക​യാ​ണ്​ ഇ​ൻ​ഷു​റ​ൻ​സ്​ പോ​ളി​സി വ​ഴി ല​ക്ഷ്യ​മി​ടു​ന്ന​ത്. നി​ല​വി​ലെ തൊ​ഴി​ൽ സാ​ഹ​ച​ര്യ​ത്തി​ൽ തൊ​ഴി​ലു​ട​മ​ക്ക്​ ഉ​ണ്ടാ​കാ​വു​ന്ന ഉ​യ​ർ​ന്ന ചെ​ല​വ്​ ഒ​ഴി​വാ​ക്കു​ന്ന​തി​നാ​യാ​ണ്​ ഇ​ൻ​ഷു​റ​ൻ​സ്​ ​േപാ​ളി​സി അ​ടി​സ്​​ഥാ​ന ആ​രോ​ഗ്യ പ​രി​ര​ക്ഷ​യി​ൽ പ​രി​മി​ത​പ്പെ​ടു​ത്തു​ന്ന​ത്. തൊ​ഴി​ലാ​ളി​ക​ൾ​ക്ക്​ ഇ​ൻ​ഷു​റ​ൻ​സ്​ ക​മ്പ​നി​ക​ളി​ൽ​നി​ന്നും ആ​രോ​ഗ്യ​സ്​​ഥാ​പ​ന​ങ്ങ​ളി​ൽ​നി​ന്നും സേ​വ​നം ഉ​റ​പ്പാ​ക്കു​ന്ന​തി​നു​ള്ള നി​ബ​ന്ധ​ന​ക​ളും ഇ​തി​ലു​ണ്ടാ​കു​മെ​ന്ന്​ കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി അ​റി​യി​ച്ചു. ക​ഴി​ഞ്ഞ​വ​ർ​ഷം സെ​പ്​​റ്റം​ബ​റി​ലാ​ണ്​ നി​ർ​ബ​ന്ധി​ത ആ​രോ​ഗ്യ ഇ​ൻ​ഷു​റ​ൻ​സ്​ ന​ട​പ്പാ​ക്കു​ന്ന​തു സം​ബ​ന്ധി​ച്ച സ​ർ​ക്കാ​ർ പ്ര​ഖ്യാ​പ​ന​മു​ണ്ടാ​കു​ന്ന​ത്. 
ആ​രോ​ഗ്യ ഇ​ൻ​ഷു​റ​ൻ​സ്​ പ​ദ്ധ​തി​യി​ലെ നാ​ഴി​ക​ക്ക​ല്ലാ​യി​ത്തീ​രു​ന്ന പ​ദ്ധ​തി​ക്കാ​ണ്​ കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി രൂ​പം​ന​ൽ​കി​വ​രു​ന്ന​തെ​ന്ന്​ ഒ​മാ​ൻ ആ​രോ​ഗ്യ​മ​ന്ത്രി മു​ഹ​മ്മ​ദ്​ ബി​ൻ ഉ​ബൈ​ദ്​ അ​ൽ സ​ഇൗ​ദി​യും അ​റി​യി​ച്ചു. സ്വ​കാ​ര്യ​മേ​ഖ​ല​യി​ലെ തൊ​ഴി​ലാ​ളി​ക​ൾ​ക്കും കു​ടും​ബാം​ഗ​ങ്ങ​ൾ​ക്കും അ​ടി​സ്​​ഥാ​ന ആ​രോ​ഗ്യ​പ​രി​ര​ക്ഷ ഉ​റ​പ്പാ​ക്കു​ന്ന ഏ​കീ​കൃ​ത പോ​ളി​സി​യു​ടെ ക​ര​ടു​രൂ​പ​മാ​ണ്​ ത​യാ​റാ​യി​വ​രു​ന്ന​തെ​ന്നും  മ​ന്ത്രി അ​റി​യി​ച്ചു. 
ക​ര​ട്​ പോ​ളി​സി​യു​ടെ നി​യ​മ​പ​ര​മാ​യ അ​വ​ലോ​ക​ന​മാ​ണ്​ ഇ​പ്പോ​ൾ ന​ട​ന്നു​വ​രു​ന്ന​തെ​ന്ന്​ കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി (സി.​എം.​എ) അ​ധി​കൃ​ത​ർ അ​റി​യി​ച്ചു. ആ​രോ​ഗ്യ​മ​ന്ത്രാ​ല​യം, മാ​ന​വ വി​ഭ​വ​ശേ​ഷി മ​ന്ത്രാ​ല​യം, ചേം​ബ​ർ ഒാ​ഫ്​ ​േകാ​മേ​ഴ്​​സ്, ഇ​ൻ​ഷു​റ​ൻ​സ്​ ക​മ്പ​നി​ക​ൾ, ആ​ശു​പ​ത്രി​ക​ൾ എ​ന്നി​വ​രു​മാ​യി പോ​ളി​സി​യു​ടെ അ​വ​ലോ​ക​നം പൂ​ർ​ത്തി​യാ​യി. ഘ​ട്ടം​ഘ​ട്ട​മാ​യി​ട്ടാ​കും പ​ദ്ധ​തി ന​ട​പ്പി​ൽ​വ​രു​ത്തു​ക. ഒ​രു ഘ​ട്ടം വി​ജ​യ​ക​ര​മാ​യി പൂ​ർ​ത്തി​യാ​ക്കി​യെ​ന്ന്​ ഉ​റ​പ്പാ​ക്കി​യ​ശേ​ഷ​മാ​കും അ​ടു​ത്ത​ഘ​ട്ടം ന​ട​പ്പി​ൽ​വ​രു​ത്താ​ൻ ആ​രം​ഭി​ക്കു​ക​യെ​ന്നും സി.​എം.​എ അ​ധി​കൃ​ത​ർ അ​റി​യി​ച്ചു. 
ഒ​മാ​നി​ലെ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്ക്​ നി​ർ​ബ​ന്ധി​ത ആ​രോ​ഗ്യ ഇ​ൻ​ഷു​റ​ൻ​സ്​ പ​ദ്ധ​തി ന​ട​പ്പാ​ക്കു​ന്ന​തും കാ​പി​റ്റ​ൽ മാ​ർ​ക്ക​റ്റ്​ അ​തോ​റി​റ്റി​യു​ടെ പ​രി​ഗ​ണ​ന​യി​ലു​ണ്ട്. ആ​രോ​ഗ്യ​മ​ന്ത്രാ​ല​യ​വും റോ​യ​ൽ ഒ​മാ​ൻ പൊ​ലീ​സു​മ​ട​ക്കം നി​ര​വ​ധി സ​ർ​ക്കാ​ർ വ​കു​പ്പു​ക​ളു​മാ​യി പ​ദ്ധ​തി യാ​ഥാ​ർ​ഥ്യ​മാ​ക്കു​ന്ന​ത്​ സം​ബ​ന്ധി​ച്ച ആ​ലോ​ച​ന​ക​ൾ ന​ട​ന്നു​വ​രു​ക​യാ​ണ്. ബോ​ർ​ഡ​ർ ചെ​ക്പോ​യ​ൻ​റു​ക​ളി​ൽ പോ​ളി​സി ല​ഭ്യ​മാ​ക്കു​ന്ന രീ​തി​യാ​ണ്​ പ​രി​ഗ​ണ​ന​യി​ൽ. 
Show Full Article
TAGS:Health Insurance 
News Summary - -
Next Story