എൻ.ഒ.സി അഭിപ്രായ  വോ​െട്ടടുപ്പ്​ അവസാനിച്ചു

മസ്​കത്ത്​: എൻ.ഒ.സി സംബന്ധിച്ച് പൊതുജനങ്ങളിൽ നിന്നുള്ള അഭിപ്രായ സ്വരൂപണം അവസാനിച്ചു. രാജ്യത്തി​​​െൻറ സാമ്പത്തിക വൈവിധ്യവത്​കരണം ലക്ഷ്യമിട്ടുള്ള തൻഫീദ്​ പദ്ധതി നടത്തിപ്പി​​​െൻറ ഭാഗമായ ഇംപ്ലിമെ​േൻറഷൻ സപ്പോർട്ട്​ ആൻഡ്​​ ഫോളോഅപ്​​ യൂനിറ്റ്​ അറബിക്​,ഇംഗ്ലീഷ്​ ഭാഷകളിൽ നടത്തിയ വോ​െട്ടടുപ്പുകളിൽ എൻ.ഒ.സിയെ അനുകൂലിക്കുന്നവർക്കാണ്​ ഭൂരിപക്ഷം. ഒരാഴ്​ച മുമ്പാണ്​ ഇത്​ സംബന്ധിച്ച വോ​െട്ടടുപ്പ്​ ആരംഭിച്ചത്​. 
അറബിക്​ വിഭാഗത്തിൽ ചൊവ്വാഴ്​ച രാത്രിയും ഇംഗ്ലീഷ്​ വിഭാഗത്തിൽ ബുധനാഴ്​ച രാത്രിയുമാണ്​ വോ​െട്ടടുപ്പ്​ അവസാനിച്ചത്​. അറബിക്കിൽ വോട്ട്​ രേഖപ്പെടുത്തിയ 7117 പേരിൽ 62 ശതമാനം പേരും എൻ.ഒ.സി നിബന്ധനകൾ നീക്കുന്നതിനെ എതിർത്തപ്പോൾ 32 ശതമാനം പേർ നിബന്ധനകൾ നീക്കുന്നതിനെ അനുകൂലിച്ചു. 
ഇംഗ്ലീഷിൽ ബുധനാഴ്​ച വോ​െട്ടടുപ്പ്​ അവസാനിക്കുന്നതിന്​ 20 മിനിറ്റ്​ മുമ്പ്​ വരെ 28,733 വോട്ടുകളാണ്​ ചെയ്​തത്​. ഇതിൽ 56 ശതമാനം പേരും എൻ.ഒ.സിയെ പിന്തുണച്ചപ്പോൾ 42 ശതമാനം പേരാണ്​ എതിർത്തത്​. 
രണ്ട്​ വോ​െട്ടുപ്പുകൾക്കും താഴെ സ്വദേശികളുടെയും വിദേശികളുടെയും ചൂടേറിയ ചർച്ചകളും നടന്നിട്ടുണ്ട്​. എൻ.ഒ.സി മൂലം രാജ്യത്തിന്​ വിദഗ്​ധ തൊഴിലാളികളെ ലഭിക്കുന്ന സാഹചര്യം ഒഴിവായെന്ന വിദേശികളുടെ വാദത്തിന്​ സ്വദേശിവത്​കരണ നടപടികൾക്ക്​ എൻ.ഒ.സി വേഗം പകർന്നതായാണ്​ സ്വദേശികളുടെ വിലയിരുത്തൽ. 
2014ലാണ്​ വിസ റദ്ദാക്കി പോയവർക്ക്​ ഒമാനില്‍ പുതിയ ജോലിയില്‍ പ്രവേശിക്കുന്നതിന് സ്പണ്‍സറുടെ എൻ.ഒ.സി നിർബന്ധമാക്കിയത്​. ഇത് വിദേശികളെ കാര്യമായി ബാധിക്കുകയും ചെയ്തു. നിയമം പ്രാബല്യത്തില്‍ വന്ന് മൂന്ന് വര്‍ഷം പൂര്‍ത്തിയാകുമ്പോള്‍ വ്യത്യസ്ത അഭിപ്രായങ്ങള്‍ ഉയരുന്ന സാഹചര്യത്തിലാണ് വോ​െട്ടടുപ്പ്​ നടത്തിയത്​. 
വോ​െട്ടടുപ്പ്​ ആരംഭിച്ച ദിവസങ്ങളിൽ എൻ.ഒ.സിക്ക്​ എതിരെ വോട്ടുചെയ്യാനും ചെയ്യിക്കാനും പ്രവാസികൾ താൽപര്യത്തോടെ മുന്നോട്ടുവന്നെങ്കിലും പിന്നീട്​ ആ ആവേശം തണുക്കുന്ന കാഴ്​ചയാണ്​ കണ്ടത്​. 
ഇതോടൊപ്പം സാമൂഹിക മാധ്യമങ്ങൾ ഉപയോഗിക്കുന്ന പ്രവാസികളിൽ ബഹുഭൂരിപക്ഷവും ട്വിറ്റർ ഉപയോഗിക്കുന്നവരല്ല എന്നതും എൻ.ഒ.സി നീക്കണമെന്ന അഭിപ്രായം താഴേക്ക്​ പോകാൻ കാരണമായി.