വിര്‍ച്വല്‍ റൗണ്ട് സ്ക്വയര്‍ കോണ്‍ഫറന്‍സില്‍ ഗൂബ്ര സ്കൂള്‍ വിദ്യാര്‍ഥികളും

മസ്കത്ത്: പ്രഥമ വിര്‍ച്വല്‍ റൗണ്ട് സ്ക്വയര്‍ കോണ്‍ഫറന്‍സില്‍ ഗൂബ്ര ഇന്ത്യന്‍ സ്കൂള്‍ വിദ്യാര്‍ഥികളും പങ്കാളികളായി. ബംഗ്ളാദേശിലെ ചിറ്റഗോങ് ഗ്രാമര്‍ സ്കൂള്‍ ആതിഥേയരായ കോണ്‍ഫറന്‍സില്‍ ലോകത്തിന്‍െറ വിവിധ ഭാഗങ്ങളില്‍നിന്ന് 22 സ്കൂളുകളാണ് പങ്കെടുത്തത്. അനന്യ കാന്തൂര്‍, ഐശ്വര്യ ഹരീഷ്, കരണ്‍ പണ്ഡിറ്റ്, ഉന്നതി ആഷര്‍, എസ്.എം. ഫാത്തിമ, അമിഷാ പ്രകാശ് എന്നിവരടങ്ങുന്ന വിദ്യാര്‍ഥികളാണ് ഗൂബ്ര സ്കൂളിനെ പ്രതിനിധാനംചെയ്തത്. പരിസ്ഥിതി സംരക്ഷണവുമായി ബന്ധപ്പെട്ട വിവിധ വിഷയങ്ങളെ കുറിച്ചാണ് ഗൂബ്ര സ്കൂള്‍ വിദ്യാര്‍ഥികള്‍ സംസാരിച്ചത്.