ഫ്രഞ്ച് പ്രതിരോധ മന്ത്രി സയ്യിദ് ഫഹദുമായി  കൂടിക്കാഴ്ച നടത്തി

മസ്കത്ത്: ഒൗദ്യോഗിക സന്ദര്‍ശനാര്‍ഥം ഒമാനില്‍ എത്തിയ ഫ്രഞ്ച് പ്രതിരോധമന്ത്രി ജീന്‍ യുവസ് ലെഡ്രിയാന്‍ ഉപപ്രധാനമന്ത്രി സയ്യിദ് ഫഹദ് ബിന്‍ മഹ്മൂദ് അല്‍ സൈദുമായി കൂടിക്കാഴ്ച നടത്തി. ഇരു രാഷ്ട്രങ്ങളും തമ്മില്‍ നിലവിലുള്ള ബന്ധങ്ങള്‍ വിശകലനം ചെയ്ത ഇരു നേതാക്കളും ഭാവിയില്‍ സഹകരണത്തിന്‍െറ മേഖല കൂടുതല്‍ വിപുലമാക്കുന്നത് സംബന്ധിച്ച് ചര്‍ച്ച ചെയ്തു. 
പ്രതിരോധ മന്ത്രി സയ്യിദ് ബദര്‍ ബിന്‍ സൗദ് ബിന്‍ ഹരിബ് അല്‍ ബുസൈദി, ഒമാനിലെ ഫ്രഞ്ച് അംബാസഡര്‍ റോളണ്ട് ഡ്യുബര്‍ട്രാന്‍ഡ് എന്നിവരും കൂടിക്കാഴ്ചയില്‍ സംബന്ധിച്ചു. 
കഴിഞ്ഞ ദിവസം മന്ത്രിയും സംഘവും നിസ്വ കോട്ട, അല്‍ ഹൂത്ത ഗുഹ തുടങ്ങിയ വിനോദസഞ്ചാര കേന്ദ്രങ്ങള്‍ സന്ദര്‍ശിച്ചിരുന്നു.