ബുറൈമി  ചലഞ്ചേഴ്സ് ഇലവന്‍  ജേതാക്കള്‍

ബുറൈമി: ഗോള്‍ഡന്‍ പാക്ക് ബുറൈമിയും ചലഞ്ചേഴ്സ് ഇലവന്‍ ക്രിക്കറ്റ് ക്ളബും സംയുക്തമായി ഏകദിന ക്രിക്കറ്റ് ടൂര്‍ണമെന്‍റ് സംഘടിപ്പിച്ചു. ബുറൈമി സ്റ്റേഡിയത്തിന് പിന്നിലെ മൈതാനത്തില്‍ നടന്ന മത്സരത്തില്‍ നിസാന്‍ ഇലവനെ പരാജയപ്പെടുത്തി ആതിഥേയരായ ചലഞ്ചേഴ്സ് ഇലവന്‍ ജേതാക്കളായി. ഫൈനലിലെ മാന്‍ ഓഫ് ദി മാച്ചായി ചലഞ്ചേഴ്സ് ഇലവനിലെ കുമരനേശനെയും പ്ളെയര്‍ ഓഫ് ദി ടൂര്‍ണമെന്‍റ് ആയി നിസാന്‍ ഇലവനിലെ രാജേഷിനെയും തെരഞ്ഞെടുത്തു.