ഹാന്‍ഡ് ബാള്‍: ഗൂബ്ര ഇന്ത്യന്‍  സ്കൂളിന് വിജയം 

മസ്കത്ത്: വാദികബീര്‍ മസ്കത്ത് ക്ളബില്‍ നടന്ന സി.ബി.എസ്.ഇ ക്ളസ്റ്റര്‍ ഹാന്‍ഡ്ബാള്‍ ചാമ്പ്യന്‍ഷിപ്പില്‍ പെണ്‍കുട്ടികളുടെ വിഭാഗത്തില്‍ ഗൂബ്ര ഇന്ത്യന്‍ സ്കൂള്‍ ടീമിന് വിജയം. മികച്ച പ്രകടനത്തോടെയാണ് അണ്ടര്‍ 19 വിഭാഗത്തില്‍ പെടുന്ന പെണ്‍കുട്ടികള്‍ കിരീടം നേടിയത്. 
വാരണാസിയില്‍ നടക്കുന്ന സി.ബി.എസ്.ഇ നാഷനല്‍ ലെവല്‍ മത്സരത്തില്‍ പങ്കെടുക്കാന്‍ ഗൂബ്ര ടീം അര്‍ഹത നേടി. മികച്ച വിജയം നേടിയ ടീമംഗങ്ങളെ സ്കൂള്‍ മാനേജ്മെന്‍റ് കമ്മിറ്റിയും അധ്യാപകരും അനുമോദിച്ചു.