ഖുര്‍ആന്‍ സ്റ്റഡി സെന്‍റര്‍ പരീക്ഷ: വിജയികള്‍ക്കുള്ള സമ്മാനങ്ങള്‍ വിതരണം ചെയ്തു

മസ്കത്ത്: ഖുര്‍ആന്‍ സ്റ്റഡി സെന്‍റര്‍ മസ്കത്ത് നടത്തിയ പരീക്ഷയിലെ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. മത്ര ലാലു മസ്ജിദ് ഹാളില്‍ നടന്ന കുടുംബസംഗമത്തില്‍ ഹ്യൂമന്‍ വെല്‍ഫെയര്‍ ഫൗണ്ടേഷന്‍ ജനറല്‍ സെക്രട്ടറി ടി. ആരിഫലിയാണ് വിജയികള്‍ക്ക് സമ്മാനങ്ങള്‍ നല്‍കിയത്.
സഹ്ല റഹീം(ദാര്‍സൈത്ത്) ഒന്നാം സ്ഥാനവും ജുല്‍നാര്‍ നബീല്‍(വാദി കബീര്‍) രണ്ടാം സ്ഥാനവും നദീറ നസീര്‍(വാദി കബീര്‍) മൂന്നാം സ്ഥാനവും കരസ്ഥമാക്കി. സൂറത്തു യൂസുഫ് അടിസ്ഥാനമാക്കി  ഒമാനിലെ 19 ഏരിയകളില്‍ 21 കേന്ദ്രങ്ങളിലായാണ് പരീക്ഷ നടന്നത്.
 ഖുര്‍ആന്‍ സ്റ്റഡി സെന്‍റര്‍ മുഖ്യരക്ഷാധികാരി ടി.എ. മുനീര്‍ അധ്യക്ഷത വഹിച്ചു. കോഓഡിനേറ്റര്‍ റിയാസ് ഇബ്ര സ്വാഗതം ആശംസിച്ചു.