സലാലയില്‍ കടലില്‍ കുളിക്കാനിറങ്ങിയ മലയാളി യുവാവിനെ കാണാതായി

സലാല: സലാലയില്‍ കടലില്‍ കുളിക്കാനിറങ്ങിയ മലയാളി യുവാവിനെ കാണാതായി. വെള്ളിയാഴ്ച വൈകീട്ട് അഞ്ചിന് റെയ്സൂത്ത് ഒയാസിസ് ക്ളബിന് സമീപമുള്ള ബീച്ചില്‍ കുളിക്കാനിറങ്ങിയ  കാസര്‍കോട് കാഞ്ഞങ്ങാട് സ്വദേശി ശരത്തിനെയാണ് (26) കാണാതായത്. വണ്ടര്‍ഫുള്‍ കോറല്‍ എല്‍.എല്‍.സി എന്ന കമ്പനിയില്‍ ഐ.ടി അഡ്മിനിസ്ട്രേറ്ററാണ്. റോയല്‍ പാലസില്‍ കരാര്‍ ജോലിക്കായി ഒരാഴ്ച മുമ്പാണ് സലാലയില്‍ എത്തിയത്. മറ്റു രണ്ട് മലയാളി സുഹൃത്തുക്കള്‍ക്കൊപ്പം കുളിക്കാനിറങ്ങിയ ശരത് ശക്തമായ തിരയില്‍പെടുകയായിരുന്നു. ഉടന്‍തന്നെ പൊലീസ് ബോട്ടും മുങ്ങല്‍ വിദഗ്ധരുമത്തെി തിരച്ചില്‍ നടത്തിയെങ്കിലും രാത്രി വൈകും വരെ കണ്ടത്തൊനായില്ല. മസ്കത്തില്‍നിന്ന് കമ്പനിയുടെ മാനേജര്‍ സലാലയില്‍ എത്തിയിട്ടുണ്ട്.