ഒമാന്‍ ക്രിക്കറ്റ് നോക്കൗട്ട് മാച്ച് : ഗ്ളോബല്‍ മണി എക്സ്ചേഞ്ച്  ജയത്തോടെ തുടങ്ങി

മസ്കത്ത്:  ഗ്ളോബല്‍ മണി എക്സ്ചേഞ്ചിന് ഒമാന്‍ ക്രിക്കറ്റ് നോക്കൗട്ട് മാച്ചില്‍ വിജയത്തുടക്കം.  
ആദ്യം ബാറ്റ് ചെയ്ത ഗ്ളോബല്‍ മണി എക്സ്ചേഞ്ച് ടീം 18.1 ഓവറില്‍ 10 വിക്കറ്റ് നഷ്ടത്തില്‍ 146 റണ്‍സ് എടുത്തു. 35 പന്തില്‍നിന്ന് 61 റണ്‍സ് നേടിയ  അമല്‍ രാജിന്‍െറയും 11 പന്തില്‍നിന്ന് 21 റണ്‍സ് നേടിയ ഷിനുവിന്‍െറയും മികവിലാണ് ഗ്ളോബല്‍ മികച്ച സ്കോര്‍ പടുത്തുയര്‍ത്തിയത്. മറുപടി ബാറ്റിങ്ങിനിറങ്ങിയ ഒ.സി.ടി മസ്കത്ത് ടീമിന് 20 ഓവറില്‍ അഞ്ച് വിക്കറ്റ് നഷ്ടത്തില്‍ 146 റണ്‍സ് എടുക്കാനേ കഴിഞ്ഞുള്ളൂ. ജെറിന്‍ നാല് ഓവറില്‍ 19 റണ്‍സ് വഴങ്ങി രണ്ട് വിക്കറ്റ് വീഴ്ത്തി. നാല് ഓവറില്‍ 22 റണ്‍സ് വഴങ്ങി നൗഷാദ് ഖാന്‍ ഒരു വിക്കറ്റും വീഴ്ത്തി.