അഹ്ലന്‍ റമദാന്‍: പ്രഭാഷണം വെള്ളിയാഴ്ച

മസ്കത്ത്: റമദാനിനെ വരവേല്‍ക്കുന്നതിന്‍െറ ഭാഗമായി ഒമാന്‍ ഇന്ത്യന്‍ ഇസ്ലാഹി സെന്‍റര്‍ ഒരുക്കുന്ന അഹ്ലന്‍ റമദാന്‍ പ്രഭാഷണം വെള്ളിയാഴ്ച രാത്രി 7.30 ന് വാദികബീര്‍ ജാബിര്‍ ബിന്‍ സൈദ് ഓഡിറ്റോറിയത്തില്‍വെച്ച് നടക്കും. ഇസ്ലാഹി ഗള്‍ഫ് കോ ഓഡിനേഷന്‍  പ്രസിഡന്‍റ് മുഹമ്മദ് അഷ്റഫ് ഷാഹി ഉദ്ഘാടനം ചെയ്യും. സെക്രട്ടറി അബ്ദുറസാഖ് കൊടുവള്ളി അധ്യക്ഷത വഹിക്കും. ‘റമദാന്‍ ഒരു വിളിപ്പാടകലെ’ എന്ന വിഷയത്തില്‍ ഷമീര്‍ ചെന്ത്രാപ്പിന്നി മുഖ്യപ്രഭാഷണം നടത്തും.
സ്ത്രീകള്‍ക്ക് പ്രത്യേകം സൗകര്യം ഒരുക്കിയിട്ടുണ്ടെന്ന് ജന.കണ്‍വീനര്‍ അബ്ദുല്‍ ഖാദര്‍ കാസര്‍കോട് അറിയിച്ചു.  അഹ്ലന്‍ റമദാനിന്‍െറ ഭാഗമായി വ്യാഴാഴ്ച രാത്രി 8 ന് സഹം കെ.എം.സി.സി ഓഡിറ്റോറിയത്തിലും ശനി രാത്രി 8ന് ഇബ്രയിലും ഷമീര്‍ ചെന്ത്രാപ്പിന്നിയുടെ പ്രഭാഷണം ഉണ്ടായിരിക്കുന്നതാണ്.