ഇന്ത്യന്‍ സ്കൂള്‍ വിദ്യാര്‍ഥികളുടെ  മാതൃകകള്‍ ശ്രദ്ധേയമായി

മസ്കത്ത്: ഒമാന്‍ പരിസ്ഥിതി ദിനാചരണത്തിന്‍െറ ഭാഗമായി വിദ്യാഭ്യാസ, പരിസ്ഥിതി മന്ത്രാലയങ്ങള്‍ സംഘടിപ്പിച്ച പ്രദര്‍ശനത്തില്‍ ഗൂബ്ര ഇന്ത്യന്‍ സ്കൂള്‍ വിദ്യാര്‍ഥികള്‍ അവതരിപ്പിച്ച മാതൃകകള്‍ ശ്രദ്ധേയമായി. ഉപ്പുവെള്ളത്തില്‍ നിന്ന് വൈദ്യുതിയുണ്ടാക്കുന്ന പദ്ധതിയുടെ മാതൃകയാണ് എട്ടാം ക്ളാസ് വിദ്യാര്‍ഥി മലിക് ജമാല്‍ അവതരിപ്പിച്ചത്. ഏഴാം ക്ളാസിലെ ലക്ഷ്യ ഗഞ്ചൂ, സുബോധ് സതീഷ് ദല്‍വി എന്നിവര്‍ സ്മോക് പ്യൂരിഫയറിന്‍െറ മിനിയേച്ചര്‍ മാതൃകയും അവതരിപ്പിച്ചു. 
പരിസ്ഥിതിക്ക് ദോഷം വരുത്താതെയുള്ള പദ്ധതികളാണ് ഇവ. മാനേജ്മെന്‍റ് കമ്മിറ്റിക്കും സ്റ്റാഫിനും വേണ്ടി കുട്ടികളെ ഗൂബ്ര ഇന്ത്യന്‍ സ്കൂള്‍ പ്രിന്‍സിപ്പല്‍ പാപ്രി ഘോഷ് അനുമോദിച്ചു.