കടലില്‍ കാണാതായ സഹോദരങ്ങള്‍ക്കായി തിരച്ചില്‍ തുടരുന്നു

മസ്കത്ത്: മുസന്ന മേഖലയിലെ അബൂ അബാലി കടലില്‍ വ്യാഴാഴ്ച കാണാതായ രണ്ട് സ്വദേശി സഹോദരങ്ങള്‍ക്കായി തിരച്ചില്‍ തുടരുന്നു. 16 കാരനായ ഖാസിയെയും 12 കാരനായ ലുഅയിയെയും വ്യാഴാഴ്ച വൈകുന്നേരം മുതലാണ് കാണാതായത്. 
ഇവര്‍ കടലില്‍ മീന്‍ പിടിക്കാന്‍ പോയതായിരുന്നു. ഇവര്‍ മീന്‍പിടിത്തത്തിന് ഉപയോഗിച്ചിരുന്ന ബോട്ട് ബര്‍ക തീരത്ത് വെച്ച് കണ്ടത്തെിയിട്ടുണ്ട്. എന്നാല്‍, രണ്ട് സഹോദരങ്ങളെയും ഇതുവരെ കണ്ടത്തൊനായില്ല. ഇവരെ കണ്ടത്തൊന്‍ റോയല്‍ ഒമാന്‍ പൊലീസിന്‍െറ ഹെലികോപ്ടറുകളും പൊലീസ് ബോട്ടുകളും റോന്ത് ചുറ്റുന്നുണ്ട്. ബാത്തിന ഗവര്‍ണറേറ്റില്‍ നിരവധി കുട്ടികള്‍ മീന്‍പിടിത്തത്തിന് പോകുന്നതായി ഗള്‍ഫ് ന്യൂസ് റിപ്പോര്‍ട്ട് ചെയ്തു. കുട്ടികള്‍ ജീവഹാനിക്ക് കാരണമാവുന്ന ഈ സാഹസ ജോലിയില്‍ പ്രവേശിക്കുന്നത് നിയമം മൂലം തടയണമെന്ന് പ്രദേശവാസികള്‍ ആവശ്യപ്പെടുന്നുണ്ട്. 2013ല്‍ കടലില്‍ മീന്‍പിടിത്തത്തിന് പോയ രണ്ട് കുട്ടികള്‍ മരിച്ചതും നാട്ടുകാര്‍ ചൂണ്ടിക്കാട്ടുന്നു