ഒമാന്‍ കഴിഞ്ഞവര്‍ഷം ഇറക്കുമതി ചെയ്തത് 325 ദശലക്ഷം റിയാലിന്‍െറ ആഭരണങ്ങള്‍

മസ്കത്ത്: ഒമാന്‍ കഴിഞ്ഞവര്‍ഷം ഇറക്കുമതി ചെയ്തത് 324.9 ദശലക്ഷം റിയാലിന്‍െറ ആഭരണങ്ങള്‍. വിവിധ വിഭാഗങ്ങളിലായി 1500 ടണ്ണോളം ആഭരണങ്ങളാണ് ഇറക്കുമതി ചെയ്തതെന്ന് ദേശീയ സ്ഥിതിവിവര മന്ത്രാലയത്തിന്‍െറ കണക്കുകള്‍ പറയുന്നു. 2014നെ അപേക്ഷിച്ച് ഇറക്കുമതി 88.2 ശതമാനമാണ് വര്‍ധിച്ചത്. 172.6 ദശലക്ഷം റിയാലിന്‍െറ 300 ടണ്‍ ആഭരണങ്ങളാണ് ഒമാന്‍ 2014ല്‍ ഇറക്കുമതി ചെയ്തത്. ആഭരണങ്ങളുടെ റീ എക്സ്പോര്‍ട്ടിങ്ങിലൂടെയുള്ള വരുമാനത്തില്‍ 90.1 ശതമാനത്തിന്‍െറ കുറവുണ്ടായി.
2014ല്‍ 2.88 കോടി റിയാലിന്‍െറ ആഭരണങ്ങള്‍ റീ എക്സ്പോര്‍ട്ട് ചെയ്ത സ്ഥാനത്ത് കഴിഞ്ഞവര്‍ഷം 28 ലക്ഷം റിയാലിന്‍െറ ആഭരണങ്ങള്‍ മാത്രമാണ് കയറ്റി അയച്ചത്.