എ.ടി.എം കാര്‍ഡുകളുമായി നൈജീരിയന്‍ സ്വദേശി പിടിയില്‍

മസ്കത്ത്: 217 എ.ടി.എം കാര്‍ഡുകളുമായി നൈജീരിയന്‍ സ്വദേശിയെ മസ്കത്ത് വിമാനത്താവളത്തില്‍ പിടികൂടി. രാജ്യത്തേക്ക് ബാങ്ക് കാര്‍ഡുകള്‍ കടത്താന്‍ ശ്രമിക്കുകയായിരുന്നു ഇദ്ദേഹം.
അന്താരാഷ്ട്ര എ.ടി.എം തട്ടിപ്പുസംഘത്തിലെ അംഗമാണോ ഇയാള്‍ എന്നതടക്കം വിവരങ്ങള്‍ പൊലീസ് പരിശോധിച്ചുവരുകയാണ്.
730 ട്രമഡോള്‍ ഗുളികകള്‍ കടത്താനുള്ള ശ്രമവും വിമാനത്താവള കസ്റ്റംസ് പരാജയപ്പെടുത്തി. ഖത്മത്ത് മലാഹ അതിര്‍ത്തിയില്‍ മദ്യം കടത്താനുള്ള ശ്രമവും പരാജയപ്പെടുത്തി. സ്വദേശിയില്‍നിന്ന് 119 കുപ്പി മദ്യം പിടിച്ചെടുത്തതായി കസ്റ്റംസ് ട്വിറ്ററില്‍ അറിയിച്ചു.