മസ്യൂനയില്‍ കനത്ത മഴ

മസ്കത്ത്: ദോഫാര്‍ വിലായത്തിലെ മസ്യൂനയില്‍ ശക്തമായ മഴ ലഭിച്ചു. ചിലയിടങ്ങളില്‍ വൈദ്യുതി ബന്ധം വിച്ഛേദിക്കപ്പെട്ടു. ഏറെ സമയം കഴിഞ്ഞാണ് വൈദ്യുതി ബന്ധം പലയിടത്തും പുന$സ്ഥാപിക്കപ്പെട്ടത്. മരങ്ങള്‍ പലയിടത്തും കടപുഴകി വീണു. കഴിഞ്ഞദിവസം ദോഫാര്‍ ഗവര്‍ണറേറ്റിന്‍െറ പലയിടത്തും വീശിയടിച്ച പൊടിക്കാറ്റ് മസ്യൂനയില്‍ ഏറെ നാശം വിതച്ചിരുന്നു. ഒരു ലേബര്‍ ക്യാമ്പ് പൂര്‍ണമായി തകര്‍ന്നിരുന്നു. മറ്റു പല കെട്ടിടങ്ങളുടെയും മേല്‍ക്കൂരകളും തകര്‍ന്നിരുന്നു.