ഒമാന്‍ പോസ്റ്റ് പുതിയ സ്റ്റാമ്പ്  പുറത്തിറക്കി

മസ്കത്ത്: ഒമാന്‍ പോസ്റ്റ് കമ്പനിയുടെ ഗോള്‍ഡന്‍ ജുബിലി ആഘോഷത്തിന്‍െറ ഭാഗമായി  പുതിയ സ്റ്റാമ്പ് പുറത്തിറക്കി. 1966 ഏപ്രില്‍ 30നാണ് റൂവി പോസ്റ്റ് ഓഫിസിലും മറ്റ് പോസ്റ്റ് ഓഫിസിലും തപാല്‍ വസ്തുക്കള്‍ സ്വീകരിക്കാനും അയക്കാനും തുടങ്ങിയത്. ഇതിന്‍െറ ഓര്‍മക്ക് വേണ്ടിയാണ് പുതിയ സ്റ്റാമ്പ് പുറത്തിറങ്ങുന്നത്. ഒമാന്‍ പോസ്റ്റിന്‍െറ ചരിത്രം ഓര്‍മപ്പെടുത്തുന്ന ഈ സ്റ്റാമ്പ് ആവശ്യമുള്ളവര്‍ക്ക് ഒമാന്‍ പോസ്റ്റ് കമ്പനിയുടെ പ്രധാന ശാഖയിലും റൂവി പോസ്റ്റ് ഓഫിസിലും ലഭിക്കും. പതിനഞ്ച് വര്‍ഷം മുമ്പ് വരെ ഏറെ ആവശ്യക്കാരുണ്ടായിരുന്ന പോസ്റ്റല്‍ സ്റ്റാമ്പുകള്‍ മൊബൈല്‍ ഫോണുകളുടെ ഉപയോഗം വ്യാപകമായതോടെ പുതിയ തലമുറക്ക് അന്യമാവുകയാണ്. സ്റ്റാമ്പ് ശേഖരണം നടത്തുന്നവരും ചില കമ്പനികളും മാത്രമാണിപ്പോള്‍ സ്്റ്റാമ്പുകള്‍ ഉപയോഗിക്കുന്നത്.