സയന്‍സ് ഇന്ത്യ ഫോറം: വാദികബീര്‍ ഇന്ത്യന്‍ സ്കൂള്‍ വിദ്യാര്‍ഥികള്‍ക്ക് മികച്ച ജയം

മസ്കത്ത്: സയന്‍സ് ഇന്ത്യ ഫോറം ഇന്‍റര്‍ സ്കൂള്‍ സയന്‍സ് മത്സരത്തില്‍ വാദികബീര്‍ ഇന്ത്യന്‍ സ്കൂള്‍ വിദ്യാര്‍ഥികള്‍ക്ക് മികച്ച വിജയം.
അഞ്ചാം ക്ളാസിലെ അന്തരീകാഷ് ദാസ്, ഏഴാം ക്ളാസിലെ തേജ് പ്രകാശ് നില്‍കുന്ദ് എന്നിവരെ ശാസ്ത്ര പ്രതിഭകളായും പത്താം ക്ളാസിലെ വൈദേഹി താക്കൂറിനെ ശാസ്ത്ര പ്രതിഭയായും തെരഞ്ഞെടുത്തു. കോഓഡിനേഷനുള്ള അധ്യാപക അവാര്‍ഡ് സയന്‍സ് ഡിപ്പാര്‍ട്മെന്‍റ് മേധാവി ജെന്നിഫര്‍ റോബിന്‍സണിനും റെക്സിക്കും ലഭിച്ചു. സയന്‍സ് ടീച്ചേഴ്സ് കോണ്‍ഫറന്‍സിലും റോബിന്‍സണാണ് ഒന്നാം സമ്മാനം. മറ്റു നിരവധി വിഭാഗങ്ങളിലും വാദികബീര്‍ സ്കൂള്‍ വിദ്യാര്‍ഥികള്‍ക്ക് സമ്മാനങ്ങള്‍ ലഭിച്ചു. മുംബൈ ആറ്റോമിക് റിസര്‍ച്ച് സെന്‍റര്‍ കെമിസ്ട്രി ഡിവിഷന്‍ വിഭാഗം മേധാവി ഡോ. ബി.എന്‍. ജഗതാപ് സമ്മാനദാന ചങ്ങില്‍ മുഖ്യാതിഥിയായിരുന്നു. ഇന്ത്യന്‍ അംബാസഡര്‍ ഇന്ദ്രമണി പാണ്ഡെയും സംബന്ധിച്ചു.