പിക്കപ്പ് മറിഞ്ഞ് കൊല്ലം  സ്വദേശി മരിച്ചു

മസ്കത്ത്: പിക്കപ്പ് മറിഞ്ഞ് മലയാളി സ്വദേശി മരിച്ചു. കൊല്ലം കുണ്ടറ സ്വദേശി ബിജു വര്‍ഗീസാണ് (26) മരിച്ചത്. മസ്കത്തില്‍നിന്ന് ഏകദേശം 200 കി.മീറ്റര്‍ അകലെ വാദിത്തൈനില്‍ വെള്ളിയാഴ്ച ഉച്ചക്ക് ഒന്നരയോടെയായിരുന്നു അപകടം. 
വാദിത്തൈനില്‍നിന്ന് വാദിനാമിലേക്ക് നിര്‍മിക്കുന്ന പുതിയ റോഡിലായിരുന്നു അപകടം. അലൂമിനിയം ഫാബ്രിക്കേഷന്‍ ജോലിക്കാരനായ ബിജുവും സുഹൃത്തും ജോലിയാവശ്യാര്‍ഥം പോവുകയായിരുന്നു. 
അമിത വേഗത്തിലായിരുന്ന പിക്കപ്പ് ഡിവൈഡറിലിടിച്ചശേഷം മറുവശത്തേക്ക് തെന്നി മാറി. സുഹൃത്ത് ഷിബു ഏതാനും ദിവസം മുമ്പാണ് ഒമാനിലത്തെിയത്. വെള്ളിയാഴ്ച ജോലിയില്ലാത്തതിനാല്‍ ബിജുവിനൊപ്പം പോയതാണ്. 
നാലു വര്‍ഷമായി ഒമാനിലുള്ള ബിജു ബന്ധുവിന്‍െറ സ്ഥാപനം ഏറ്റെടുത്ത് നടത്തുകയായിരുന്നു. അപകടത്തില്‍ വാഹനം പൂര്‍ണമായും തകര്‍ന്നു.