Begin typing your search above and press return to search.
exit_to_app
exit_to_app
Posted On
date_range 18 Sept 2015 2:51 PM IST Updated On
date_range 18 Sept 2015 2:51 PM ISTസലാലയില് വിപുലമായ പെരുന്നാള് ആഘോഷപരിപാടികള്
text_fieldsbookmark_border
സലാല: ഓണവും പെരുന്നാളും വലിയ ഇടവേളകളില്ലാതെ എത്തിയതോടെ സലാലയിലെ മലയാളി പ്രവാസികള്ക്ക് ഇത് കലാപരിപാടികളുടെ കാലം. ബലിപെരുന്നാളിന്െറ പിറ്റേ ദിവസം വെള്ളിയാഴ്ച കെ.എം.സി.സി ഒരുക്കുന്ന ഈദ് നൈറ്റ് ഇത്തീനിലെ മുനിസിപ്പല് സ്റ്റേഡിയത്തിലാണ്. താജുദ്ദീന് വടകര നയിക്കുന്ന ഗാനമേളയും സാംസ്കാരിക സംഗമവും ഇതിന്െറ ഭാഗമായി നടക്കും. ഒക്ടോബര് ഒന്നിന് ഐ.എം.ഐ സലാല ഒരുക്കുന്ന ഈദ് സംഗമവും ഇത്തീനിലെ മുനിസിപ്പല് സ്റ്റേഡിയത്തില് നടക്കും. മീഡിയവണ് പതിനാലാം രാവ് താരങ്ങളായ ഷംഷാദ്, ക്രിസ്റ്റ കല, റബീഉല്ല എന്നിവര് നയിക്കുന്ന ഗാനമേളയും യാസും മലര്വാടി ബാലസംഘവും ഒരുക്കുന്ന വൈവിധ്യമാര്ന്ന കലാപരിപാടികളുമാണ് ഐ.എം.എ ഈദ്സംഗമത്തില് നടക്കുക. ഫ്രണ്ട്സ് ഓഫ് സലാല സംഘടിപ്പിക്കുന്ന ‘സ്വര് സര്ഗം’ കലാപരിപാടി ഒക്ടോബര് രണ്ടിന് ഇത്തീന് സ്റ്റേഡിയത്തില് നടക്കും. പിന്നണി ഗായകന് ശ്രീനിവാസ്, കണ്ണൂര് ശരീഫ്, രഞ്ജിനി ജോസ്, സജില സലീം എന്നിവര് പങ്കെടുക്കും. സലാല ഐഡോള് വിജയികള്ക്കുള്ള സമ്മാന വിതരണവും നടക്കും. പ്രവേശം ടിക്കറ്റ് മൂലം നിയന്ത്രിച്ചിട്ടുണ്ട്. കൂടാതെ, ഇന്ത്യന് സോഷ്യല് ക്ളബ് മലയാള വിഭാഗത്തിന്െറ ഓണം ഈദ് ആഘോഷത്തിന്െറ ഭാഗമായ സാംസ്കാരിക സായാഹ്നം ഒക്ടോബര് ഒമ്പതിനാണ്. നടനും തിരക്കഥാകൃത്തുമായ ശ്രീനിവാസന് മുഖ്യാതിഥിയായിരിക്കും. വിവിധ നൃത്തങ്ങളും അരങ്ങേറും. എസ്.എന്.ഡി.പി ഒരുക്കുന്ന ഓണസദ്യ ഒക്ടോബര് രണ്ടിന് ഉച്ചക്ക് ഇന്ത്യന് സോഷ്യല് ക്ളബ് ഹാളില് നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story