വീട്ടുവേലക്കാരിയെ കൊലപ്പെടുത്തിയ ഏഷ്യക്കാരന്‍ പിടിയില്‍  

മസ്കത്ത്: വീട്ടുവേലക്കാരിയെ കെട്ടിടത്തിന്‍െറ മുകളില്‍നിന്ന് താഴെയിട്ട് കൊലപ്പെടുത്തിയ കുറ്റത്തിന് ഏഷ്യക്കാരനെ റോയല്‍ ഒമാന്‍ പൊലീസ് അറസ്റ്റ് ചെയ്തു. സ്പോണ്‍സറില്‍നിന്ന് ഒളിച്ചോടിയ കൊല്ലപ്പെട്ട സ്ത്രീയെ ഏഷ്യക്കാരന്‍ വേശ്യാവൃത്തിക്ക് ഉപയോഗിക്കുകയായിരുന്നു. സൊഹാറിനടുത്ത് ഫലജ് അല്‍ ഖബായിലെ ഒരു ഫ്ളാറ്റിലാണ് വേശ്യാവൃത്തി നടത്തിയിരുന്നത്. പ്രതിയാണ്  ആവശ്യക്കാരെ എത്തിച്ചിരുന്നത്. 
പണമിടപാട് സംബന്ധമായ തര്‍ക്കത്തെ തുടര്‍ന്ന് സ്ത്രീയെ ഇയാള്‍ മൂന്നാംനിലയില്‍നിന്ന് താഴെ തള്ളിയിടുകയായിരുന്നു. സ്ത്രീ തല്‍ക്ഷണം മരിക്കുകയും പ്രതി സംഭവസ്ഥലത്തുനിന്ന് രക്ഷപ്പെടുകയും ചെയ്തു. ഇയാളെയും മൂന്നു സുഹൃത്തുക്കളെയും പിന്നീട് പൊലീസ് അറസ്റ്റ് ചെയ്തു. റൂമുകളും ഫ്ളാറ്റുകളും വാടകക്ക് നല്‍കുമ്പോള്‍ തിരിച്ചറിയല്‍രേഖകള്‍ പരിശോധിക്കണമെന്നും നിയമലംഘനമുണ്ടാവുമ്പോള്‍ അധികൃതരെ അറിയിക്കണമെന്നും പൊലീസ് ആവശ്യപ്പെട്ടു.