‘വെള്ളിമാട്കുന്നിലെ വെള്ളിനക്ഷത്രം’ പ്രകാശനം ചെയ്തു

മസ്കത്ത്: വാര്‍ത്താമാധ്യമങ്ങളില്‍ വഴിത്തിരിവിന്‍െറ പാത വെട്ടിത്തുറന്ന ‘മാധ്യമ’ത്തിന്‍െറയും ‘ഗള്‍ഫ് മാധ്യമം’ ഉള്‍പ്പെടെ അനുബന്ധ പ്രസിദ്ധീകരണങ്ങളുടെയും പിറവിയും പുരോഗതിയും വിശദമാക്കുന്ന ‘വെള്ളിമാട്കുന്നിലെ വെള്ളിനക്ഷത്രം’ മധുരമെന്‍ മലയാളം വേദിയില്‍ പ്രകാശനം ചെയ്തു. പ്രൗഢമായ വേദിയില്‍ സേഫ്റ്റി ടെക്നിക്കല്‍ സര്‍വിസസ് ചെയര്‍മാന്‍ മുഹമ്മദ് അഷ്റഫ് പടിയത്തിന് നല്‍കി നോവലിസ്റ്റ് സി. രാധാകൃഷ്ണന്‍ പ്രകാശനം നിര്‍വഹിച്ചു. 1987ല്‍ മാധ്യമത്തിന്‍െറ ഉദ്ഘാടനവേദിയില്‍ വിഖ്യാത എഴുത്തുകാരന്‍ വൈക്കം മുഹമ്മദ് ബഷീര്‍ പറഞ്ഞത് ‘ഇതാ വെള്ളിമാട്കുന്നില്‍ ഒരു വെള്ളിനക്ഷത്രം ഉദിച്ചിരിക്കുന്നു’ എന്നാണ്. ആ വാക്കുകളാണ് ഈ പുസ്തകത്തിന് തലക്കെട്ടായി നല്‍കിയിരിക്കുന്നത്.