ഗാല സെന്‍റ് മേരീസ്  ഓര്‍ത്തഡോക്സ് ഇടവകയില്‍  ക്രിസ്മസ് ആഘോഷം

മസ്കത്ത്: ഗാല സെന്‍റ് മേരീസ് ഓര്‍ത്തഡോക്സ് ഇടവകയില്‍ ക്രിസ്മസ് ആഘോഷം സംഘടിപ്പിക്കും. ബുധനാഴ്ച വൈകീട്ട് 7.30ന് ഗാല ചര്‍ച്ച് കോംപ്ളക്സില്‍ പ്രത്യേകം തയാറാക്കുന്ന പന്തലില്‍ വെച്ച് വിവിധ പരിപാടികളോടെ ഈ വര്‍ഷത്തെ കരോള്‍ നടക്കും. 
23ന് നടക്കുന്ന പൊതുയോഗത്തില്‍ അഹ്മദാബാദ് ഭദ്രാസന അധിപന്‍ ഡോ. ഗീവര്‍ഗീസ് മാര്‍ യൂലിയോസ് മെത്രാപ്പോലീത്ത ക്രിസ്മസ് സന്ദേശം  നല്‍കും. ഫാ. മൈക്കിള്‍ പെല്‍പ്പിന്‍ മുഖ്യപ്രഭാഷണം നടത്തും. 
ഫാ. ജോര്‍ജ് വര്‍ഗീസ്, പി.സി. ചെറിയാന്‍, കെ.സി. തോമസ് എന്നിവര്‍ സംസാരിക്കും. തുടര്‍ന്ന്, യുവജനപ്രസ്ഥാനം, മര്‍ത്തമറിയം സമാജം, സണ്‍ഡേസ്കൂള്‍ എന്നിവയുടെ ആഭിമുഖ്യത്തില്‍ ക്രിസ്മസ് ഗാനസന്ധ്യ, സ്കിറ്റ്, നാടന്‍ കരോള്‍ എന്നിവ നടക്കും. 
24ന് രാത്രി ഏഴിന് ക്രിസമസ് സര്‍വിസ്, തീജ്ജ്വാല ശുശ്രൂഷ, തുടര്‍ന്ന് വിശുദ്ധ കുര്‍ബാന എന്നിവ നടക്കും.  31ന് രാത്രി ഏഴിന് പുതുവത്സര ശുശ്രൂഷയും അത്താഴവിരുന്നും നടക്കും.