ഒമാന്‍ എയര്‍ കോഴിക്കോട് നിന്നുള്ള സമയക്രമത്തില്‍ മാറ്റം

മസ്കത്ത്: ഒമാന്‍ എയര്‍ കോഴിക്കോട് മസ്കത്ത് റൂട്ടിലെ സമയക്രമത്തില്‍ മാറ്റം വരുത്തി. സെപ്റ്റംബര്‍ 15 മുതല്‍ നിലവില്‍ വരുന്ന പുതിയ സമയക്രമം അനുസരിച്ച് രാവിലെ 9.35നാണ് വിമാനം കോഴിക്കോട് എത്തുക. 

10.25ന് തിരികെ പുറപ്പെടുകയും ചെയ്യും. റണ്‍വേയുടെ റീ കാര്‍പറ്റിങ് ജോലികള്‍ നടക്കുന്ന പശ്ചാത്തലത്തിലാണ് സമയക്രമത്തിലെ മാറ്റം. 

അറ്റകുറ്റപ്പണികള്‍ കണക്കിലെടുത്ത് ഉച്ചക്ക് 12മുതല്‍ രാത്രി എട്ടുമണി വരെ റണ്‍വേ അടച്ചിടുകയാണ് ചെയ്യുക. നിലവിലെ സമയക്രമം അനുസരിച്ച് വിമാനത്താവളം അടക്കുംമുമ്പ് എത്താന്‍ കഴിയാത്ത സാഹചര്യത്തില്‍ വിമാനം മസ്കത്തില്‍നിന്ന് പുറപ്പെടാറുണ്ടായിരുന്നില്ല. 

അടുത്തിടെ വിമാനത്തില്‍ കയറിയ യാത്രക്കാരെ മുഴുവന്‍ ഇതുമൂലം തിരിച്ചിറക്കിയിരുന്നു. അന്ന് മൂന്നു മണിക്കൂറോളം വൈകിയാണ് വിമാനം പുറപ്പെട്ടത്.