സാമൂഹികപ്രവര്‍ത്തകന്‍ കെ. ലാജുദ്ദീന്‍ നാട്ടില്‍ നിര്യാതനായി

മസ്കത്ത്: പ്രമുഖ സാമൂഹികപ്രവര്‍ത്തകന്‍ കെ. ലാജുദ്ദീന്‍ (41) നാട്ടില്‍ നിര്യാതനായി. ചാവക്കാട് മണത്തല കൂന്താരത്ത് അലി സാബിരിയുടെയും സൂറയുടെയും മകനാണ്.

കരള്‍സംബന്ധമായ അസുഖത്തെ തുടര്‍ന്ന് ചികിത്സയിലിരിക്കെയാണ് മരണം.

21വര്‍ഷമായി മസ്കത്തില്‍ പ്രവര്‍ത്തിച്ചിരുന്ന ലാജുദ്ദീന്‍ ഒ.ഐ.സി.സി ഗ്ളോബല്‍ കമ്മിറ്റി പ്രവര്‍ത്തകസമിതി അംഗമാണ്.

ഇന്ത്യന്‍ സോഷ്യല്‍ ക്ളബ് മലയാള വിഭാഗം, മസ്കത്ത് സുന്നി സെന്‍റര്‍ മദ്റസ എന്നിവയുടെ ഭാരവാഹിയായിരുന്നു. ഭാര്യ രഹന. മക്കള്‍: ലിയാന, ലയന, ലിംന.