മരത്തിനു​ താഴെ തീയിട്ടാൽ 20 റിയാൽ പിഴ

മ​സ്ക​ത്ത്​: മ​ര​ങ്ങ​ൾ​ക്ക്​ താ​ഴെ​യോ വി​നോ​ദ​കേ​ന്ദ്ര​ങ്ങ​ളെ ബാ​ധി​ക്കു​ന്ന വി​ധ​ത്തി​ലോ തീ​യി​ട്ടാ​ൽ 20 റി​യാ​ൽ പി​ഴ ഈ​ടാ​ക്കു​മെ​ന്ന്​ മ​സ്ക​ത്ത്​ മു​നി​സി​പ്പാ​ലി​റ്റി മു​ന്ന​റി​യി​പ്പ്. ഇ​തു​മു​ലം ആ ​പ്ര​ദേ​ശ​ത്തെ ജ​ന​ങ്ങ​ൾ​ക്ക്​ എ​ന്തെ​ങ്കി​ലും ബു​ദ്ധി​മു​ട്ടു​ണ്ടാ​യാ​ലും പി​ഴ ഈ​ടാ​ക്കും.ത​ണു​പ്പ്​ കാ​ല​മാ​കു​ന്ന​തോ​ടെ ബാ​ർ​ബി​ക്യൂ അ​ട​ക്കം ഭ​ക്ഷ​ണം പാ​കം​ചെ​യ്യു​ന്ന​തി​നാ​യി ആ​ളു​ക​ൾ വെ​ളി​യി​ൽ ഒ​ത്തു​കൂ​ടു​ന്ന​ത്​ പ​രി​സ്ഥി​തി​യെ ബാ​ധി​ക്കാ​തി​രി​ക്കു​ന്ന​തി​നു​വേ​ണ്ടി​യു​ള്ള മു​ൻ​ക​രു​ത​ലി​ന്‍റെ ഭാ​ഗ​മാ​യാ​ണ്​ മു​നി​സി​പ്പാ​ലി​റ്റി രം​ഗ​ത്തെ​ത്തി​യി​രി​ക്കു​ന്ന​ത്.വി​ദേ​ശി​ക​ൾ​ക്കി​ട​യി​ൽ കൂ​ടി മു​ന്ന​റി​യി​പ്പ് എ​ത്തി​ക്കു​ന്ന​തി​ന്റെ ഭാ​ഗ​മാ​യി ഹി​ന്ദി, ബം​ഗ്ല ഭാ​ഷ​ക​ളി​ൽ ഉ​ൾ​പ്പെ​ടെ ഇ​തി​ന്‍റെ സ​ന്ദേ​ശം അ​ധി​കൃ​ത​ർ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​പ്പി​ക്കു​ന്നു​ണ്ട്.

പൊ​തു​സ്ഥ​ല​ത്ത് തു​പ്പു​ന്ന​വ​ർ​ക്കെ​തി​രെ​യും ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും മു​നി​സി​പ്പാ​ലി​റ്റി മു​ന്ന​റി​യി​പ്പ് ന​ൽ​കു​ന്നു. 20 റി​യാ​ൽ ആ​ണ്​ ഇ​തി​ന്​ പി​ഴ ഈ​ടാ​ക്കു​ക. പൊ​തു​സ​മൂ​ഹ​ത്തി​ലെ അ​നാ​രോ​ഗ്യ​ക​ര​മാ​യ പ്ര​വ​ണ​ത​ക​ൾ ഒ​ഴി​വാ​ക്കാ​നും പ​രി​സ്ഥി​തി സം​ര​ക്ഷ​ണ​ത്തി​ന്റെ​യും ഭാ​ഗ​മാ​യാ​ണ് ന​ട​പ​ടി. ബാ​ർ​ബി​ക്യു ന​ട​ത്തു​മ്പോ​ഴും മ​റ്റു ഭ​ക്ഷ​ണ​ങ്ങ​ൾ പാ​കം ചെ​യ്യു​മ്പോ​ഴും പ്ര​കൃ​തി​യെ ന​ശി​പ്പി​ക്കു​ന്ന​തി​നെ​തി​രെ​യും മു​നി​സി​പ്പാ​ലി​റ്റി രം​ഗ​ത്തെ​ത്തി​യി​ട്ടു​ണ്ട്.ബീ​ച്ചി​നോ​ട് ചേ​ർ​ന്നും മ​റ്റും പൊ​തു​ഇ​ട​ങ്ങ​ളി​ൽ ബാ​ർ​ബി​ക്യു ന​ട​ത്തി​യ​തി​നെ തു​ട​ർ​ന്ന് പു​ല്ല് ക​രി​യു​ക​യും മ​റ്റു കേ​ടു​പാ​ടു​ക​ൾ സം​ഭ​വി​ക്കു​ക​യും ചെ​യ്ത​തി​നെ തു​ട​ർ​ന്നാ​ണി​ത്.