ഒമാനിൽ 1889 പേർക്ക്​ കോവിഡ്​; റെക്കോർഡ്​ വർധന

മസ്​കത്ത്​: ഒമാനിൽ കോവിഡ്​ രോഗികളുടെ എണ്ണത്തിൽ റെക്കോർഡ്​ വർധനവ്​. വെള്ളിയാഴ്​ച 1889 പേർക്കാണ്​ പുതുതായി രോഗം സ്​ഥിരീകരിച്ചത്​.
ഇതോടെ രാജ്യത്തെ മൊത്തം രോഗ ബാധിതർ 53614 ആയി. 4574 സാമ്പിളുകളാണ്​ പരിശോധന നടത്തിയത്​.  പുതിയ രോഗികളിൽ 1268 പേരും സ്വദേശികളാണ്​. 621 പേരാണ്​ പ്രവാസികൾ.  1204 പേർക്ക്​ കൂടി രോഗം ഭേദമായി. ഇതോടെ രോഗമുക്​തരായവരുടെ എണ്ണം 34225 ആയി.  എട്ടുപേർ പേർ കൂടി മരണപ്പെട്ടു. ഇതോടെ മരണസംഖ്യ 244 ആയി ഉയർന്നു. 74 പേരെ കൂടി ആശുപത്രിയിൽ പ്രവേശിപ്പിച്ചു. 501 പേരാണ്​ ഇപ്പോൾ ആശുപത്രികളിൽ ചികിത്സയിലുള്ളത്​. ഇതിൽ 130 പേർ  തീവ്ര പരിചരണ വിഭാഗത്തിലാണുള്ളത്​. 19145 പേരാണ്​ നിലവിൽ അസുഖബാധിതരായിട്ടുള്ളത്​.  കൂടുതൽ പുതിയ രോഗികൾ മസ്​കത്തിൽ തന്നെയാണ്​. 890 പേർക്കാണ്​ ഇവിടെ പുതുതായി രോഗം കണ്ടെത്തിയത്​.
ഇതോടെ മസ്​കത്തിലെ ആകെ രോഗികളുടെ എണ്ണം 32060 ആയി.  ഇതിൽ 22966 പേർക്ക്​​  അസുഖം ഭേദമായിട്ടുണ്ട്​. മരണപ്പെട്ടതിൽ 147 പേരും മസ്​കത്തിൽ ചികിത്സയിലിരുന്നവരാണ്​. തെക്കൻ ബാത്തിനയും വടക്കൻ ബാത്തിനയുമാണ്​ പുതിയ രോഗികളുടെ എണ്ണത്തിൽ അടുത്ത സ്​ഥാനങ്ങളിൽ.
സീബിലാണ്​ ഇന്നും കൂടുതൽ രോഗികൾ. 391 പുതിയ കേസുകളാണ്​ ഇവിടെ റിപ്പോർട്ട്​ ചെയ്യപ്പെട്ടത്​. ബോഷറിൽ 191 പേരും മത്രയിൽ 102 പേരും പുതുതായി വൈറസ്​ ബാധിതരായി.  വിവിധ വിലായത്തുകളിലെ അസുഖ ബാധിതർ, സുഖപ്പെട്ടവർ,  പുതിയ രോഗികൾ എന്നിവർ ചുവടെ;
1. മസ്​കത്ത് ഗവർണറേറ്റ്​: മത്ര-7897, 6428,102; ബോഷർ-8564,6306,191; മസ്​കത്ത്​- 1085,856, 83; അമിറാത്ത്-2199,1311,86; സീബ്​ -11722,7792,391; ഖുറിയാത്ത്​-593,273,39.
2. വടക്കൻ ബാത്തിന: സുവൈഖ്​ -1501,751,58; ഖാബൂറ-458,261,3; സഹം-1040,564,10; സുഹാർ -2233,1179,97; ലിവ -522,299,5; ഷിനാസ്​ -525,258,7.
3. തെക്കൻ ബാത്തിന: ബർക്ക-2585,1280,190; വാദി മആവിൽ- 237,114,18; മുസന്ന-1089,519,27; നഖൽ -235,125,8; അവാബി- 185,136,5;  റുസ്​താഖ്​ -1096,485,62.  
4. ദാഖിലിയ:  നിസ്​വ-672,356,65; സമാഇൽ-716,355,44; ബിഡ്​ബിദ്-420,223,21;  ഇസ്​കി -343,172,23; മന-112,45,1;  ഹംറ-135,63,2;  ബഹ്​ല -275,140,9; ആദം-123,87,7.
5. ദോഫാർ:  സലാല- 1447,436,79; മസ്​യൂന-43,28,0; ഷാലിം-42,20,2; മിർബാത്ത്​-168,2,0; തഖാ-10,3,0; തുംറൈത്ത്​-34,5,0; റഖിയൂത്ത്​ -4,0,0; ദൽഖൂത്ത്​-4,2,0.
6. അൽ വുസ്​ത: ഹൈമ-119,46,6; ദുകം -1143,1078,14; അൽ ജാസിർ-147,54,15; മഹൂത്​ - 8,1,5.
7. തെക്കൻ ശർഖിയ: ബുആലി-585,438,10; ബുഹസൻ-100,65,9; സൂർ-506,245,57; അൽ കാമിൽ -144,77,23; മസീറ-4,2,0.
8. വടക്കൻ ശർഖിയ:  ഇബ്ര- 184,105,7; അൽ ഖാബിൽ-69,38,1; ബിദിയ -135,64,20; മുദൈബി -572,300,60; ദമാ വതായിൻ-112,67,0; വാദി ബനീ ഖാലിദ്​ -38,17,1.
9. ബുറൈമി:  ബുറൈമി -567,363,17; മഹ്​ദ-17,10,2, സുനൈന-2,0,0.
10. ദാഹിറ:  ഇബ്രി- 639,276,16; ദങ്ക്​-63, 32,12; യൻകൽ -113,56,3.
11. മുസന്ദം: ഖസബ്​ -22,12,2; ദിബ്ബ-6,3,0; ബുക്ക -5,2,0.