നി​മി​റി​ൽ 1500ാമ​ത്​ എ​ണ്ണ​ക്കി​ണ​ർ പൂ​ർ​ത്തി​യാ​ക്കി

an eraമ​സ്​​ക​ത്ത്​: രാ​ജ്യ​ത്തെ സു​പ്ര​ധാ​ന എ​ണ്ണ​പ്പാ​ട​ങ്ങ​ളി​ൽ ഒ​ന്നാ​യ നി​മി​റി​ൽ 1500ാമ​ത്​ എ​ണ്ണ​ക്കി​ണ​റി​ന്‍റെ ഡ്രി​ല്ലി​ങ്​ പൂ​ർ​ത്തി​യാ​യി. പെ​ട്രോ​ളി​യം ഡെ​വ​ല​പ്​​മെ​ന്‍റ്​ ഒ​മാ​ൻ (പി.​ഡി.​ഒ) ക​മ്പ​നി​ക്കു​ കീ​ഴി​ലു​ള്ള എ​ണ്ണ​പ്പാ​ട​ത്തി​ന്‍റെ തെ​ക്കു​ ഭാ​ഗ​ത്താ​ണ്​ പു​തു​താ​യി കി​ണ​ർ നി​ർ​മി​ച്ചി​ട്ടു​ള്ള​ത്. ക​മ്പ​നി​യെ സം​ബ​ന്ധി​ച്ച്​ സു​​പ്ര​ധാ​ന നേ​ട്ട​മാ​ണി​തെ​ന്ന്​ അ​ധി​കൃ​ത​ർ അ​ഭി​പ്രാ​യ​പ്പെ​ട്ടു.

ആ​കെ 1875 കി.​മീ​റ്റ​ർ പ്ര​ദേ​ശ​ങ്ങ​ൾ ഉ​ൾ​ക്കൊ​ള്ളു​ന്ന​താ​ണ്​ നി​മി​റി​ലെ എ​ണ്ണ​ശേ​ഖ​ര​മു​ള്ള പ്ര​ദേ​ശം. പി.​ഡി.​ഒ​ക്കു​ കീ​ഴി​ലെ ഏ​റ്റ​വും വ​ലി​യ ഫീ​ൽ​ഡ്​ ഗ്രൂ​പ്പാ​യ ഇ​വി​ടെ​നി​ന്ന്​ 90,000 ബാ​ര​ൽ​സ്​ എ​ണ്ണ​യു​ൽ​പാ​ദി​പ്പി​ക്കു​ന്നു​ണ്ട്. 2013ലാ​ണ്​ ഇ​വി​ടെ ആ​യി​രം എ​ണ്ണ​ക്കി​ണ​റു​ക​ൾ പൂ​ർ​ത്തി​യാ​ക്കി​യ​ത്. 10 വ​ർ​ഷ​ത്തി​നി​ടെ 500 പു​തി​യ കി​ണ​റു​ക​ൾ പൂ​ർ​ത്തി​യാ​ക്കി പ്ര​വ​ർ​ത്ത​ന​ക്ഷ​മ​മാ​ക്കാ​ൻ ക​മ്പ​നി​ക്ക്​ സാ​ധി​ച്ചു.

ഊ​ർ​ജോ​ൽ​പാ​ദ​ന മേ​ഖ​ല​യി​ൽ ശ്ര​ദ്ധി​ക്ക​പ്പെ​ടു​ന്ന മേ​ൽ​വി​ലാ​സ​മാ​യി മാ​റി​യ ക​മ്പ​നി എ​ണ്ണ​യു​ടെ​യും ഗ്യാ​സി​ന്‍റെ​യും ഉ​ൽ​പാ​ദ​ന​ത്തി​ൽ സു​ര​ക്ഷി​ത​വും കാ​ർ​ബ​ൺ​ര​ഹി​ത​വു​മാ​യ രീ​തി പി​ന്തു​ട​രാ​നാ​ണ്​ ശ്ര​മി​ക്കു​ന്ന​തെ​ന്ന്​ പി.​ഡി.​ഒ മാ​നേ​ജി​ങ്​ ഡ​യ​റ​ക്ട​ർ സ്റ്റീ​വ്​ ഫി​മി​സ്റ്റ​ർ പ​റ​ഞ്ഞു. 43 വ​ർ​ഷം മു​മ്പാ​ണ്​ നി​മി​റി​ൽ ആ​ദ്യ എ​ണ്ണ​ക്കി​ണ​ർ പൂ​ർ​ത്തി​യാ​യ​ത്.

പി​ന്നീ​ട്​ അ​ത്യാ​വ​ശ്യ സം​വി​ധാ​ന​ങ്ങ​ളു​മാ​യി ഏ​താ​നും വ​ർ​ഷ​ങ്ങ​ൾ​ക്കു​ശേ​ഷ​മാ​ണ്​ ഉ​ൽ​പാ​ദ​നം സ​ജീ​വ​മാ​യ​ത്. ആ​ദ്യ​ത്തെ കി​ണ​റി​ൽ​നി​ന്ന​ട​ക്കം മു​ഴു​വ​ൻ കി​ണ​റു​ക​ളും ഇ​പ്പോ​ഴും എ​ണ്ണ​യു​ൽ​പാ​ദി​പ്പി​ക്കു​ന്നു​ണ്ട്. ഒാ​രോ വ​ർ​ഷ​വും 130ഓ​ളം എ​ണ്ണ​ക്കി​ണ​റു​ക​ൾ കു​ഴി​ച്ചാ​ണ്​ ക​ഴി​ഞ്ഞ വ​ർ​ഷ​ങ്ങ​ളി​ൽ നി​മി​റി​ൽ ശ​ക്ത​മാ​യ സം​വി​ധാ​നം ഒ​രു​ക്കാ​ൻ ക​മ്പ​നി​ക്ക്​ സാ​ധി​ച്ച​ത്.