കു​വൈ​ത്തി​ന്റെ ‘പൊ​തു​ശ​ബ്ദം’ ഇ​നി നാ​ട്ടി​ൽ മു​ഴ​ങ്ങും

കാ​ൽ നൂ​റ്റാ​ണ്ട് കു​വൈ​ത്ത് മ​ല​യാ​ളി​ക​ളു​ടെ പൊ​തു​ശ​ബ്ദ​മാ​യി നി​ല​കൊ​ണ്ട സ​ക്കീ​ർ ഹു​സൈ​ൻ തു​വ്വൂ​ർ നാ​ട്ടി​ലേ​ക്ക് മ​ട​ങ്ങി. പ്ര​ഭാ​ഷ​ക​നാ​യും, സാ​മൂ​ഹി​ക, സാം​സ്കാ​രി​ക പ്ര​വ​ർ​ത്ത​ക​നാ​യും മ​ത പ​ണ്ഡി​ത​ൻ എ​ന്ന നി​ല​യി​ലും വി​വി​ധ മേ​ഖ​ല​യി​ൽ ത​ന്റെ​താ​യ മു​ദ്ര പ​തി​പ്പി​ച്ചാ​ണ് സ​ക്കീ​ർ ഹു​സൈ​ൻ തു​വ്വൂ​രി​ന്റെ മ​ട​ക്കം. വി​വി​ധ സം​ഘ​ട​ന​ക​ളും കൂ​ട്ടാ​യ്മ​ക​ളും നി​റ​ഞ്ഞ പ്ര​വാ​സി മ​ല​യാ​ളി​ക​ൾ​ക്കി​ട​യി​ൽ ‘പൊ​തു​സ്വീ​കാ​ര്യ​ൻ’ എ​ന്ന വാ​ക്കി​ന് എ​ല്ലാം​കൊ​ണ്ടും അ​ർ​ഹ​ൻ എ​ന്ന് ഇ​തി​ന​കം സ​ക്കീ​ർ ഹു​സൈ​ൻ തു​വ്വൂ​രി​ന് ല​ഭി​ച്ച യാ​ത്ര​യ​യ​പ്പു​ക​ൾ സാ​ക്ഷ്യം.

പ്ര​വാ​സ​ത്തി​ലേ​ക്ക്

1998 ഡി​സം​ബ​റി​ലാ​ണ് സ​ക്കീ​ർ ഹു​സൈ​ൻ തു​വ്വൂ​ർ കു​വൈ​ത്തി​ൽ എ​ത്തു​ന്ന​ത്. 32 വ​യ​സ്സാ​യി​രു​ന്നു അ​ന്ന്. നാ​ട്ടി​ൽ തി​ര​ക്കേ​റി​യ പൊ​തു​ജീ​വി​ത​വും സം​ഘ​ട​ന പ്ര​വ​ർ​ത്ത​ന​ങ്ങ​ളു​മാ​യി ക​ഴി​ഞ്ഞി​രു​ന്ന കാ​ലം. എ​സ്.​ഐ.​ഒ സം​സ്ഥാ​ന കൂ​ടി​യാ​ലോ​ച​ന സ​മി​തി​യി​ലും മ​ല​പ്പു​റം ജി​ല്ല നേ​തൃ​ത്വ​ത്തി​ലും സ​ജീ​വ​മാ​യി പ്ര​വ​ർ​ത്തി​ച്ചു​കൊ​ണ്ടി​രു​ന്ന സ​മ​യ​ത്താ​യി​രു​ന്നു ഈ ​പ​റി​ച്ചു ന​ട​ൽ.

എ​ന്നാ​ൽ, അ​പ​രി​ചി​ത​മാ​യ ഒ​രു ദേ​ശ​മാ​യി​രു​ന്നി​ല്ല സ​ക്കീ​ർ ഹു​സൈ​ന് കു​വൈ​ത്ത്. സു​ഹൃ​ത്തു​ക്ക​ളും നാ​ട്ടു​കാ​രും സം​ഘ​ട​ന പ്ര​വ​ർ​ത്ത​ക​രു​മാ​യി നി​ര​വ​ധി പേ​ർ ഉ​ള്ള കു​വൈ​ത്ത് അ​ദ്ദേ​ഹ​ത്തെ ഹാ​ർ​ദ​മാ​യി സ്വീ​ക​രി​ച്ചു. പി​ന്നീ​ട് കു​വൈ​ത്തി​ന്റെ വ്യ​ത്യ​സ്ത മേ​ഖ​ല​യി​ൽ വ​ള​രെ പെ​ട്ടെ​ന്നു ത​ന്നെ പേ​ര് പ​തി​പ്പി​ക്കാ​ൻ അ​ദ്ദേ​ഹ​ത്തി​നാ​യി.

സം​ഘ​ട​ന ജീ​വി​തം

1999 ഡി​സം​ബ​റി​ൽ ഇ​സ്‌​ലാ​മി​ക് യൂ​ത്ത് അ​സോ​സി​യേ​ഷ​ൻ രൂ​പവത്​ക​രി​ക്കു​മ്പോ​ൾ പ്ര​ഥ​മ പ്ര​സി​ഡ​ന്‍റാ​യി സ​ക്കീ​ർ ഹു​സൈ​ൻ തു​വ്വൂ​ർ തെ​ര​ഞ്ഞെ​ടു​ക്ക​പ്പെ​ട്ടു. പി​ന്നീ​ട് കെ.​ഐ.​ജി​യു​ടെ നേ​തൃ​ത്വ​വും ഏ​റ്റെ​ടു​ത്തു. കെ.​ഐ.​ജി​യെ ഭ​ദ്ര​മാ​യ സം​ഘ​ട​ന സം​വി​ധാ​ന​ങ്ങ​ളി​ൽ വാ​ർ​ത്തെ​ടു​ക്കു​ന്ന​തി​ൽ സ​ക്കീ​ർ ഹു​സൈ​ന്റെ നേ​തൃ​ത്വം വ​ള​രെ വ​ലി​യ പ​ങ്കാ​ണ് വ​ഹി​ച്ച​ത്.

ഇം​ഗ്ലീ​ഷ് മ​ദ്‌​റ​സ, പ്ര​വാ​സി ഓ​ഡി​റ്റോ​റി​യം, ഒ​രു​മ തു​ട​ങ്ങി​യ കു​വൈ​ത്ത് കെ.​ഐ.​ജി എ​ന്നി​ങ്ങ​നെ ശ്ര​ദ്ധേ​യ സ്‌​തം​ഭ​ങ്ങ​ൾ തു​ട​ങ്ങി​യ​ത് സ​ക്കീ​ർ ഹു​സൈ​ൻ തു​വ്വൂ​വി​ന്റെ നേ​തൃ​ത്വ കാ​ല​യ​ള​വി​ലാ​ണ്. കു​വൈ​ത്തി​ൽ ഗ​ൾ​ഫ് മാ​ധ്യ​മം, മീ​ഡി​യവ​ൺ എ​ന്നി​വ​യു​ടെ സ്ഥാ​പ​ന​ത്തി​ലും വ​ള​ർ​ച്ച​യി​ലും നി​ർ​ണാ​യ​ക പ​ങ്കു​ം വ​ഹി​ച്ചു.

നി​ര​വ​ധി കു​രു​ന്നു​ക​ൾ​ക്ക് ഖു​ർ​ആ​ൻ പ​ഠി​പ്പി​ച്ചും ഇ​സ്‌​ലാ​മി​ന്റെ ബാ​ലപാ​ഠ​ങ്ങ​ൾ പ​ക​ർ​ന്ന് ന​ൽ​കി​യും ഫ​ഹാ​ഹീ​ൽ ഫ​ർ​വാ​നി​യ, അ​ബ്ബാ​സി​യ മ​ദ്‌​റ​സ​ക​ളി​ൽ പ്ര​ധാ​ന അ​ധ്യാ​പ​ക​നാ​യും അ​ല്ലാ​തെ​യും സേ​വ​നം അ​നു​ഷ്‌​ഠി​ച്ചു. കു​വൈ​ത്തി​ലെ വി​വി​ധ മ​ല​യാ​ളം പ​ള്ളി​ക​ളി​ൽ ഖു​തു​ബ​ക​ളും നി​ർ​വ​ഹി​ച്ചു​വ​ന്നു. 26 വ​ർ​ഷ​ത്തെ പ്ര​വാ​സ ജീ​വി​തം അ​വ​സാ​നി​പ്പി​ച്ച് സ​ക്കീ​ർ ഹു​സൈ​ൻ തു​വ്വൂ​ർ ചൊ​വ്വാ​ഴ്ച നാ​ട്ടി​ലേ​ക്ക് തി​രി​ച്ചു. കു​വൈ​ത്തി​ന്റെ മ​ണ്ണി​ൽ ന​ന്മ​യു​ടെ നാ​മ്പു​ക​ൾ ന​ട്ടു​വ​ള​ർ​ത്തി​യും വി​ത്തു​പാ​കി​യു​മു​ള്ള മ​ട​ക്കം.