ലോ​ക​ക​പ്പ് ​ഫു​ട്ബാ​ൾ യോ​ഗ്യ​ത; കു​വൈ​ത്തി​ന് ഇ​ന്ന് അ​വ​സാ​ന മ​ത്സ​രം

കു​വൈ​ത്ത് സി​റ്റി: 2026 ലോ​ക​ക​പ്പ് ഫു​ട്ബാ​ൾ യോ​ഗ്യ​ത ഏ​ഷ്യ​ൻ മേ​ഖ​ല യോ​ഗ്യ​ത​ക്കാ​യു​ള്ള അ​വ​സാ​ന മ​ത്സ​ര​ത്തി​ൽ കു​വൈ​ത്ത് ഇ​ന്ന് ദ​ക്ഷി​ണ കൊ​റി​യ​യെ നേ​രി​ടും. ദ​ക്ഷി​ണ കൊ​റി​യ​യി​ലെ സോ​ൾ വേ​ൾ​ഡ്ക​പ്പ് സ്റ്റേ​ഡി​യ​ത്തി​ൽ കു​വൈ​ത്ത് സ​മ​യം ഉ​ച്ച​ക​ഴി​ഞ്ഞ് ര​ണ്ടി​നാ​ണ് മ​ത്സ​രം. ക​രു​ത്ത​രാ​യ ദ​ക്ഷി​ണ കൊ​റി​യ​യു​മാ​യി വി​ജ​യ​പ്ര​തീ​ക്ഷ ഇ​ല്ല​ങ്കി​ലും മി​ക​ച്ച പ്ര​ക​ട​നം പു​റ​ത്തെ​ടു​ത്ത് മ​ത്സ​രം അ​വ​സാ​നി​പ്പി​ക്കാ​നാ​കും കു​വൈ​ത്ത് ശ്ര​മം.

ക​ഴി​ഞ്ഞ മ​ത്സ​ര​ത്തി​ൽ ഫ​ല​സ്തീ​നോ​ട് ​തോ​ൽ​വി രു​ചി​ച്ച​തോ​ടെ ഗ്രൂ​പ്പി​ൽ ആ​റാം സ​ഥാ​ന​ത്തു​ള്ള കു​വൈ​ത്തി​ന് ഏ​ഷ്യ​ൻ പ്ലേ ​ഓ​ഫി​ലേ​ക്ക് യോ​ഗ്യ​ത നേ​ടാ​നു​ള്ള അ​വ​സ​രം ന​ഷ്ട​പ്പെ​ട്ടി​രു​ന്നു. ഒ​മ്പ​തു മ​ത്സ​ര​ങ്ങ​ളി​ൽ അ​ഞ്ചു​സ​മ​നി​ല​യും നാ​ലു​തോ​ൽ​വി​യു​മാ​യി അ​ഞ്ച് പോ​യ​ന്റോ​ടെ ആ​റാം സ്ഥാ​ന​ത്താ​ണ് കു​വൈ​ത്ത്. നി​ർ​ണാ​യ​ക മ​ത്സ​ര​ങ്ങ​ളി​ലെ സ​മ​നി​ല​യും തോ​ൽ​വി​യു​മാ​ണ് കു​വൈ​ത്തി​ന് ത​ട​സ്സം തീ​ർ​ത്ത​ത്.

ദ​ക്ഷി​ണ കൊ​റി​യ, ജോ​ർ​ഡ​ൻ, ഇ​റാ​ഖ്, ഒ​മാ​ൻ, ഫ​ല​സ്തീ​ൻ, കു​വൈ​ത്ത് എ​ന്നി​വ അ​ട​ങ്ങി​യ ഗ്രൂ​പ് ബി​യി​ൽ 19 പോ​യ​ന്റു​മാ​യി ഒ​ന്നാം സ്ഥാ​നം നേ​ടി​യ ദ​ക്ഷി​ണ കൊ​റി​യ​യും 16 പോ​യ​ന്റു​മാ​യി ജോ​ർ​ഡ​നും ലോ​ക​ക​പ്പ് ഫു​ട്ബാ​ൾ യോ​ഗ്യ​ത നേ​ടി. 12 പോ​യ​ന്റു​മാ​യി ഇ​റാ​ഖ് ഏ​ഷ്യ​ൻ പ്ലേ ​ഓ​ഫി​ലേ​ക്ക് യോ​ഗ്യ​ത നേ​ടി. ഏ​ഷ്യ​ൻ പ്ലേ ​ഓ​ഫി​ലേ​ക്കു​ള്ള ര​ണ്ടാം ടീ​മി​നെ ചൊ​വ്വാ​ഴ്ച ന​ട​ക്കു​ന്ന ഫ​ല​സ്തീ​ൻ ഒ​മാ​ൻ മ​ത്സ​രം നി​ശ്ച​യി​ക്കും. ഗ്രൂ​പ്പി​ൽ 10 പോ​യ​ന്റു​ള്ള ഒ​മാ​ൻ നാ​ലാം സ്ഥാ​ന​ത്തും ഒ​മ്പ​ത് പോ​യ​ന്റു​മാ​യി ഫ​ല​സ്തീ​ൻ അ​ഞ്ചാം സ്ഥാ​ന​ത്തു​മാ​ണ്. ശ​നി​യാ​ഴ്ച​യോ​ടെ മൂ​ന്നാം റൗ​ണ്ട് മ​ത്സ​ര​ങ്ങ​ൾ അ​വ​സാ​നി​ക്കും.