വർക്ക്​ ഷോപ്പുകളും ഒാ​േട്ടാ പാർട്​സ്​ സെന്‍ററുകളും അടച്ചിടണം

കുവൈത്ത്​ സിറ്റി: കുവൈത്തിൽ വർക്ക്​ ഷോപ്പുകളും ഒാ​േട്ടാ പാർട്​സ്​ സ​െൻററുകളും അടച്ചിടാൻ ഉത്തരവ്​. കോവിഡ്​ പ്രതിരോധ ഭാഗമായി ബുധനാഴ്​ച ചേർന്ന മന്ത്രിസഭ യോഗത്തി​േൻറതാണ്​ തീരുമാനം. നേരത്തെ അടിയന്തര സേവന വിഭാഗങ്ങളിൽ ഉൾപ്പെടുത്തി ഇവക്ക്​ പ്രവർത്തനാനുമതി നൽകിയിരുന്നു.

സഹകരണ സംഘങ്ങളിൽ സന്നദ്ധ സേവനം നടത്തിയിരുന്നവരെ തൽക്കാലം അവിടെനിന്ന്​ മാറ്റാനും മറ്റു സ്ഥലങ്ങളിലേക്ക്​ നിയോഗിക്കാനും തീരുമാനിച്ചു.

വിദ്യാഭ്യാസ സ്ഥാപനങ്ങൾക്ക്​ ഒാൺലൈൻ ക്ലാസ്​ നിർബന്ധമാക്കിയിട്ടില്ലെന്നും ആവശ്യമുള്ളവർക്ക്​ ചെയ്യാൻ അനുമതി നൽകുകയായിരുന്നുവെന്നും സർക്കാർ വക്​താവ്​ താരിഖ്​ അൽ മസ്​റം വാർത്താസമ്മേളനത്തിൽ പറഞ്ഞു.