വനിത ഫുട്സാൽ: വൻ വിജയത്തോടെ കുവൈത്ത് സെമിയിൽ

കുവൈത്ത് സിറ്റി: പശ്ചിമേഷ്യൻ വനിത ഫുട്സാൽ ചാമ്പ്യൻഷിപ്പിൽ കുവൈത്ത് സെമിയിൽ പ്രവേശിച്ചു.ബി ഗ്രൂപ്പിൽ സൗദിക്കെതിരെയും ഒമാനെതിരെയും വിജയിച്ചാണ് ടീം മുന്നേറിയത്. സൗദിയെ ഒന്നിനെതിരെ മൂന്ന് ഗോളിനും ഒമാനെ ഒന്നിനെതിരെ ആറ് ഗോളിനും കീഴടക്കിയാണ് കുവൈത്ത് ആധികാരികമായി സെമിയിൽ പ്രവേശിച്ചത്.

ജൂൺ 22ന് ഗ്രൂപ് ബിയിലെ രണ്ടാം സ്ഥാനക്കാരെ കുവൈത്ത് സെമിയിൽ നേരിടും. ഇറാഖ്, ഫലസ്തീൻ മത്സര വിജയികളെയാണ് കുവൈത്തിന് എതിരിടേണ്ടി വരുക. ഗ്രൂപ് എയിൽനിന്ന് ബഹ്റൈൻ സെമിയിൽ പ്രവേശിച്ചിട്ടുണ്ട്. അവർ സൗദി ഒമാൻ കളിയിലെ വിജയികളുമായി ഏറ്റുമുട്ടും.