ശൈത്യകാല വാക്​സിനേഷൻ കുവൈത്തികൾക്കു​ മാത്രം

കുവൈത്ത്​ സിറ്റി: ശൈത്യകാല വാക്​സിനേഷൻ കാമ്പയിൻ കുവൈത്തികൾക്ക്​ മാത്രമെന്ന്​ ആരോഗ്യ മന്ത്രാലയം. വ്യാഴാഴ്​ച കാമ്പയിൻ ആരംഭിച്ചപ്പോൾ പൗരത്വം മാനദണ്ഡമായി പ്രഖ്യാപിച്ചിരുന്നില്ല.ശരീരത്തി​െൻറ പ്രതിരോധ ശേഷി വർധിപ്പിക്കാനും മഴക്കാലത്ത്​ കണ്ടുവരുന്ന ശ്വാസ സംബന്ധമായ രോഗങ്ങൾ, ബാക്​ടീരിയൽ ന്യൂമോണിയ, ചിക്കൻ പോക്സ്, ഡിഫ്തീരിയ, മഞ്ഞപ്പിത്തം തുടങ്ങിയ രോഗാവസ്ഥകളെ ചെറുക്കാനും വാക്സിനേഷൻ വഴി സാധിക്കുമെന്നും പൊതുജനം ഇതി​െൻറ പ്രാധാന്യം ഉൾക്കൊള്ളണമെന്നും അധികൃതർ ആവശ്യപ്പെട്ടിരുന്നു. സമൂഹ മാധ്യമങ്ങളിലെയും മുഖ്യധാര മാധ്യമങ്ങളിലെയും വാർത്ത കണ്ട്​ നിർദിഷ്​ട കേന്ദ്രങ്ങളിൽ എത്തിയ വിദേശികൾക്ക്​ നിരാശരായി മടങ്ങേണ്ടിവന്നു. അതിനിടെ വാക്​സിനേഷൻ സ്വദേശികൾക്ക്​ മാത്രമാക്കിയതിൽ സമൂഹ മാധ്യമങ്ങളിൽ കുവൈത്തികൾ തന്നെ എതിർപ്പുയർത്തിയിട്ടുണ്ട്​.

ജനസംഖ്യയിൽ 30 ശതമാനം മാത്രമുള്ള കുവൈത്തികൾക്ക്​ മാത്രമായി നടത്തുന്ന വാക്​സിനേഷൻ പ്രയോജനം ചെയ്യില്ലെന്നും ഭൂരിഭാഗം ആളുകൾക്കും രോഗപ്രതിരോധ ശേഷി നൽകാതെ ഉദ്ദേശിച്ച നേട്ടം ലഭിക്കില്ലെന്നും ചൂണ്ടിക്കാട്ടുന്നു.സമൂഹത്തെ സംരക്ഷിക്കണമെങ്കിൽ എല്ലാവർക്കും പ്രതിരോധ മരുന്ന്​ നൽകണമെന്ന്​ കുവൈത്ത്​ സർവകലാശാലയിലെ മെഡിക്കൽ ജനറ്റിക്​സ്​ അസിസ്​റ്റൻറ്​ പ്രഫസർ ഡോ. ഹമദ്​ യാസീൻ പ്രതികരിച്ചു.

രാജ്യത്തി​െൻറ വിവിധ ഭാഗങ്ങളിലായി 35ലേറെ കേന്ദ്രങ്ങൾ വഴി പ്രതിരോധ മരുന്നുകൾ വിതരണം ചെയ്യും. കാമ്പയിൻ ഡിസംബർ അവസാനം വരെ തുടരും. തണുപ്പുകാല വാക്​സിനേഷൻ ആരംഭിച്ചതിന്​ ശേഷം പനി കേസുകളിൽ കുറവുണ്ടെന്നും 2015ൽ കാമ്പയിൻ തുടങ്ങുന്ന കാലത്ത്​ 1.3 ശതമാനം ഉണ്ടായിരുന്ന മരണനിരക്ക്​ കഴിഞ്ഞ വർഷം 0.4 ശതമാനം ആയി കുറഞ്ഞതായും അധികൃതർ അവകാശപ്പെട്ടിരുന്നു.