ഖുർആൻ ഹിഫ്ദ് മത്സര വിജയികൾ

കുവൈറ്റ്‌ സിറ്റി: കുവൈത്ത് കേരള ഇസ്​ലാഹി സെൻറർ ഖുർആൻ ഹദീസ് ലേണിങ്​ വിഭാഗം സംഘടിപ്പിച്ച ഖുർആൻ ഹിഫ്ദ് മത്സരത്തിൽ അബ്​ദുൽ ബാസിത് സഫറുദ്ദീൻ, മുഹമ്മദ് ഫൈറൂസ് സൈനുദ്ദീൻ എന്നിവർ ഒന്നാം സമ്മാനത്തിനർഹരായി. അബ്​ദുൽ മുജീബ് ഹവല്ലി രണ്ടാം സ്ഥാനവും സാലിഹ് എം.ബി ജഹ്റ മൂന്നാം സ്ഥാനവും കരസ്ഥമാക്കി. ഓൺലൈനായി സംഘടിപ്പിച്ച മത്സരത്തിൽ സൂറത്ത് യാസീൻ അടിസ്ഥാനമാക്കിയായിരുന്നു മത്സരം.

കുവൈത്ത് ഔഖാഫ് മന്ത്രായലയത്തിലെ ശൈഖ് ഡോ. ഹസൻ അഹ്​മദ്, ഹാഫിദ് മുഹമ്മദ് അസ്​ലം എന്നിവർ വിധികർത്താക്കളായി. അനിലാൽ ആസാദ്, മുഹമ്മദ് അസ്ലം കാപ്പാട് എന്നിവർ പരിപാടി നിയന്ത്രിച്ചു. സർട്ടിഫിക്കറ്റും സമ്മാനവും പിന്നീട് വിതരണം ചെയ്യുമെന്ന് ഇസ്​ലാഹി സെൻറർ ഭാരവാഹികൾ വാർത്താക്കുറിപ്പിൽ അറിയിച്ചു.