വെ​ൽ​ഫെ​യ​ർ കേ​ര​ള കു​വൈ​ത്തി​ന്​​ ചാ​രി​താ​ർ​ഥ്യം: നി​റ​ക​ൺ ചി​രി​യോ​ടെ അ​വ​ർ മ​ട​ങ്ങി

കുവൈത്ത്​ സിറ്റി: ദുരിതജീവിതത്തിനൊടുവിൽ ശാപമോക്ഷം നേടി നൂറോളം ഇന്ത്യൻ നഴ്​സുമാർ നാട്ടിലേക്ക്​ മടങ്ങി. താരിഖ് അൽ അവദി കമ്പനിയിൽ ഇഖാമയും ശമ്പളവും ഇല്ലാതെ പ്രയാസം അനുഭവിച്ച ഇവർക്ക്​ വെൽഫെയർ കേരള കുവൈത്ത്​ ജനസേവന വിഭാഗത്തി​​​െൻറ ഇടപെടലാണ്​ തുണയായത്​. 21 പേർക്ക് ശുഊൺ വഴി വിസ കാൻസൽ ചെയ്ത് നാട്ടിലേക്ക് മടങ്ങാനും 18 പേർക്ക് നാട്ടിലേക്കുള്ള ടിക്കറ്റും പിഴ തുകയും കമ്പനിയുടെ ചിലവിൽ ലഭ്യമാക്കാനും 20ഓളം പേർക്ക് ശുഉൗൺ ഒാഫിസിലൂടെ റിലീസും വാങ്ങിച്ചുകൊടുക്കാനും കഴിഞ്ഞു. അബൂ ഫത്വീറയിലെ ശുഉൗൺ ഓഫിസർ അബ്​ദുല്ല ബർജസി​​​െൻറ സഹായവും നീതി ലഭിക്കാൻ സഹായകമായി. അബ്​ദുല്ല ബർജസ് എന്ന മാതൃകാ ഓഫിസർ തുടക്കം മുതൽ തൊഴിലാളികളുടെ ന്യായമായ അവകാശത്തിനൊപ്പം നിന്നു. വക്കീലി​​​െൻറ വിലപേശലും മൻദൂബി​​​െൻറ പിടിവാശിയും അതിജയിക്കാൻ ശുഉൗൺ ഒാഫിസി​​​െൻറ പിന്തുണ കൊണ്ടായി. ശുഉൗൺ ഒാഫിസിൽ നടന്ന ചടങ്ങിൽ ഒാഫിസറെയും വെൽഫെയർ നേതാക്കളെയും ഉപഹാരം നൽകി ആദരിച്ചാണ്​ തൊഴിലാളികൾ നാട്ടിലേക്ക്​ പോയത്​. വെൽഫെയർ കേന്ദ്ര പ്രസിഡൻറ്​ ഖലീലുറഹ്​മാൻ, കേന്ദ്ര ജനസേവന കൺവീനർ ലായിക്​ അഹ്മദ്, അസിസ്​റ്റൻറ്​ കൺവീനർ റഷീദ് ഖാൻ, മേഖല ജനസേവന കൺവീനർ നൗഫൽ, ഫഹാഹീൽ മേഖലാ സാമൂഹിക വകുപ്പ് കൺവീനർ യൂനുസ് സലിം എന്നിവർ ചടങ്ങിൽ പങ്കെടുത്തു.