വെല്‍ഫെയര്‍ കേരള കുവൈത്ത് സൗജന്യ ചാർ​ട്ടേഡ്​ വിമാനം നാളെ

കുവൈത്ത്​ സിറ്റി: വെല്‍ഫെയര്‍ കേരള കുവൈത്ത് ഒരുക്കുന്ന സൗജന്യ ചാർ​ട്ടേഡ്​ വിമാനം വെള്ളിയാഴ്ച പറന്നുയരും. വൈകുന്നേരം 5.30ന് കോഴിക്കോട് അന്താരാഷ്‌ട്ര വിമാനത്താവളത്തിലേക്ക് പുറപ്പെടുന്ന വിമാനത്തില്‍ 15 കുട്ടികള്‍ ഉള്‍പ്പെടെ 163 പേര്‍ നാടണയും. ജസീറ എയര്‍വേ​സുമായി സഹകരിച്ച് ജനകീയ പങ്കാളിത്തത്തോടെയാണ് യാത്രാസൗകര്യം ഒരുക്കുന്നത്​. കുവൈത്തില്‍നിന്ന് ഇന്ത്യയിലേക്കുള്ള ആദ്യ സൗജന്യ ചാർ​ട്ടേഡ്​ വിമാനമാണിത്​. 
മുഴുവന്‍ യാത്രക്കാര്‍ക്കും പൂര്‍ണമായും സൗജന്യമായാണ് യാത്രാസൗകര്യം ഒരുക്കുന്നത്​. 

യാത്രക്കാര്‍ക്കുള്ള പി.പി.ഇ കിറ്റുകളും ടീം വെൽഫെയർ വളൻറിയർമാർ സൗജന്യമായി വിതരണം ചെയ്യും. ലഭിച്ച അപേക്ഷകളിൽനിന്ന്​ രോഗികൾ, പ്രായാധിക്യമുള്ളവര്‍, ജോലി നഷ്​ടപ്പെട്ടവർ, തുച്ഛ വരുമാനക്കാരായ മറ്റു പ്രവാസികൾ എന്നിവർക്ക് മുൻഗണന നൽകിയാണ് യാത്രക്കാരുടെ അന്തിമ പട്ടിക തയാറാക്കിയതെന്ന്​ വെല്‍ഫെയര്‍ കേരള കുവൈത്ത് പ്രസിഡൻറ്​ റസീന മുഹ്​യിദ്ദീന്‍ പറഞ്ഞു.