ജ​ല-​വൈ​ദ്യു​തി കു​ടി​ശ്ശി​ക: ഒ​ക്ടോ​ബ​റി​ല്‍ ല​ഭി​ച്ച​ത് 35 ല​ക്ഷം ദീ​നാ​ര്‍

കു​വൈ​ത്ത് സി​റ്റി: പ്ര​വാ​സി​ക​ളി​ല്‍നി​ന്ന് കു​ടി​ശ്ശി​ക​യാ​യി ഒ​ക്ടോ​ബ​റി​ല്‍ ജ​ല-​വൈ​ദ്യു​തി മ​ന്ത്രാ​ല​യ​ത്തി​ന് ല​ഭി​ച്ച​ത് 35 ല​ക്ഷം ദീ​നാ​ര്‍. ഇ​തോ​ടെ പ്ര​വാ​സി​ക​ളി​ല്‍നി​ന്ന് കു​ടി​ശ്ശി​ക​യാ​യി ശേ​ഖ​രി​ച്ച ആ​കെ തു​ക 84 ല​ക്ഷം ദീ​നാ​റാ​യി ഉ​യ​ര്‍ന്നു. രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി സ്ഥാ​പി​ച്ച ക​സ്റ്റ​മ​ർ സ​ർ​വി​സ് ഓ​ഫി​സു​ക​ൾ വ​ഴി​യും സ​ഹ​ൽ ആ​പ്ലി​ക്കേ​ഷ​ൻ വ​ഴി​യു​മാ​ണ്‌ ഇ​ത്ര​യും​തു​ക പി​രി​ച്ച​ത്.

ബി​ൽ കു​ടി​ശ്ശി​ക അ​ട​യ്ക്കാ​ത്ത പ്ര​വാ​സി​ക​ൾ​ക്ക് നാ​ട്ടി​ൽ പോ​കു​ന്ന​തി​ന് അ​ടു​ത്തി​ടെ വി​ല​ക്കേ​ർ​പ്പെ​ടു​ത്തി​യി​രു​ന്നു. വി​മാ​ന​ത്താ​വ​ള​ത്തി​ൽ ക​ർ​ശ​ന പ​രി​ശോ​ധ​ന ആ​രം​ഭി​ക്കു​ക​യും കു​ടി​ശ്ശി​ക ഉ​ള്ള​വ​രു​ടെ യാ​ത്ര മു​ട​ങ്ങു​ക​യും ചെ​യ്തു.

ഇ​തോ​ടെ കു​ടി​ശ്ശി​ക​യു​ള്ള​വ​ർ പ​ണം അ​ട​ച്ചു​തു​ട​ങ്ങി​യ​താ​ണ് ഇ​ത്ര​യും​തു​ക മ​ന്ത്രാ​ല​യ​ത്തി​ലെ​ത്താ​ൻ ഇ​ട​യാ​ക്കി​യ​ത്. ടെ​ലി​ഫോ​ൺ ബി​ൽ, ഗ​താ​ഗ​ത പി​ഴ​ക​ൾ എ​ന്നി​വ​യി​ൽ കു​ടി​ശ്ശി​ക​യു​ള്ള പ്ര​വാ​സി​ക​ൾ​ക്ക് ഇ​വ അ​ട​ച്ചു​തീ​ർ​ക്കാ​തെ രാ​ജ്യം വി​ടാ​നാ​കി​ല്ല. ഇ​തോ​ടെ ഈ ​ഇ​ന​ങ്ങ​ളി​ലും വ​ൻ തു​ക അ​ത​ത് മ​ന്ത്രാ​ല​യ​ങ്ങ​ളി​ൽ എ​ത്തി​ത്തു​ട​ങ്ങി. കു​ടി​ശ്ശി​ക ഇ​ന​ത്തി​ൽ പ്ര​വാ​സി ഉ​പ​ഭോ​ക്താ​ക്ക​ളി​ൽ​നി​ന്ന് നൂ​റു​ക​ണ​ക്കി​ന് മി​ല്യ​ൻ ദീ​നാ​റാ​ണ് പി​രി​ഞ്ഞു​കി​ട്ടാ​നു​ള്ള​തെ​ന്നാ​ണ് സൂ​ച​ന.