സൗദി കിരീടാവകാശിക്ക്​ ഉൗഷ്​മള വരവേൽപ്​

കുവൈത്ത്​ സിറ്റി: സൗദി കിരീടാവകാശി പ്രിൻസ്​ മുഹമ്മദ്​ ബിൻ സൽമാൻ ബിൻ അബ്​ദുൽ അസീസ്​ ആലു സഉൗദിന്​ കുവൈത്ത്​ ഉൗഷ്​മള സ്വീകരണം. ജി.സി.സി ഉച്ചകോടിക്ക്​ മുന്നോടിയായി എല്ലാ ഗൾഫ്​ രാജ്യങ്ങളും സന്ദർശിക്കുന്നതി​െൻറ ഭാഗമായാണ്​ അദ്ദേഹം കുവൈത്തിലെത്തിയത്​. കുവൈത്ത്​ കിരീടാവകാശി ശൈഖ്​ മിശ്​അൽ അൽ അഹ്​മദ്​ അൽ ജാബിർ അസ്സബാഹ്​, പ്രധാനമന്ത്രി ശൈഖ്​ സബാഹ്​ ഖാലിദ്​ അൽ ഹമദ്​ അസ്സബാഹ്​, മ​റ്റു മന്ത്രിമാർ, മുതിർന്ന ഉദ്യോഗസ്ഥർ തുടങ്ങിയവർ വിമാനത്താവളത്തിൽ എം.ബി.എസിന്​ ഉജ്ജ്വല വരവേൽപ്​ നൽകി.

സുരക്ഷ ക്രമീകരണങ്ങളുടെ ഭാഗമായി ഉച്ചക്ക്​ ശേഷം മൂന്നുമുതൽ ചില​ റോഡുകൾ ആഭ്യന്തര മന്ത്രാലയം അടച്ചിരുന്നു. അമീരി വിമാനത്താവളം മുതൽ കിങ്​ ഫൈസൽ റോഡിലെ ഇൻറർസെഷൻ വരെയും ഫിഫ്​ത്​ റിങ്​ റോഡിൽ വലതുവശത്ത്​ ബയാൻ പാലസ്​ ഗേറ്റ്​ വരെയുമാണ്​ റോഡ്​ തടഞ്ഞത്​. ഇത്​ മറ്റു റോഡുകളിൽ തിരക്ക്​ വർധിപ്പിച്ചു.