വോയ്സ് കുവൈത്ത് 'വിശ്വകല-2022' ചാരിറ്റി കൂപ്പൺ പ്രകാശനം

കുവൈത്ത് സിറ്റി: വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) സംഘടിപ്പിക്കുന്ന 'വിശ്വകല-2022' ന്റെ ഭാഗമായി പുറത്തിറക്കിയ ചാരിറ്റി കൂപ്പൺ പ്രകാശനം ചെയ്തു. അബ്ബാസിയ റിഥം ഓഡിറ്റോറിയത്തിൽ നടന്ന ചടങ്ങിൽ വോയ്സ് കുവൈത്ത് ചെയർമാൻ പി.ജി. ബിനു അൽയമാമ ടെക്നിക്കൽ ജനറൽ ട്രേഡിങ് ആൻഡ് കോൺട്രാക്ടിങ് കമ്പനി പ്രോജക്ട് മാനേജർ പി.എം. നായർക്ക് ചാരിറ്റി കൂപ്പൺ നൽകി പ്രകാശനം ചെയ്തു.

വോയ്സ് കേന്ദ്ര കമ്മിറ്റി ഭാരവാഹികളും വോയ്സ് വനിതവേദി ഭാരവാഹികളും ട്രാക്ക് കേന്ദ്ര കമ്മിറ്റി ഭാരവാഹികളും സംബന്ധിച്ചു. ഡിസംബർ 16ന് അബ്ബാസിയ ഓക്സ്ഫഡ് പാകിസ്താനി ഇംഗ്ലീഷ് സ്കൂളിലാണ് പരിപാടി.