വോയ്സ് കുവൈത്ത് കേന്ദ്ര കമ്മിറ്റി യാത്രയയപ്പ് നൽകി

കുവൈത്ത് സിറ്റി: പ്രവാസജീവിതം മതിയാക്കി നാട്ടിലേക്ക് പോകുന്ന വോയ്സ് കുവൈത്തിന്റെ വനിത വേദി സെക്രട്ടറി ടി.കെ. രജനിക്ക് വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത് ) കേന്ദ്ര കമ്മിറ്റി യാത്രയയപ്പ് നൽകി. അബ്ബാസിയ പോപ്പിൻസ് ഓഡിറ്റോറിയത്തിൽ നടന്ന ചടങ്ങിൽ വോയ്സ് കേന്ദ്ര കമ്മിറ്റി പ്രസിഡൻറ് കെ.വി. ഷാജി അധ്യക്ഷത വഹിച്ചു.

വോയ്സ് ചെയർമാൻ പി.ജി. ബിനു, രക്ഷാധികാരി ഷനിൽ വെങ്ങളത്ത്, വൈസ് പ്രസിഡൻറ് പ്രമോദ് കക്കോത്ത്, ഉപദേശക സമിതി അംഗങ്ങളായ ജോയ് നന്ദനം, കെ.എസ്. അജിത്ത് കുമാർ, ഓർഗനൈസിങ് സെക്രട്ടറി കെ.വി. രാധാകൃഷ്ണൻ, സെക്രട്ടറി സുജീഷ് പി.ചന്ദ്രൻ, വെൽഫെയർ സെക്രട്ടറി ടി.വി. ഉണ്ണിക്കൃഷ്ണൻ, ആർട്സ് സെക്രട്ടറി വി.കെ. സജീവൻ, വനിത വേദി ജനറൽ സെക്രട്ടറി മിനികൃഷ്ണ, വനിത വേദി സെക്രട്ടറി ലത സത്യൻ, ഫഹാഹീൽ ഏരിയ കൺവീനർ ദിലീപ് തുളസി, ഫിൻതാസ് ഏരിയ കൺവീനർ കെ.എ. ജിനേഷ്, പി.എം. നായർ, മോഹനകുമാർ, രാജീവ് ശ്രീധരൻ, എന്നിവർ സംസാരിച്ചു. വനിത വേദി ഉപദേശക സമിതി അംഗം എ.കെ. വിലാസിനി പൊന്നാട അണിയിച്ചു. ജനറൽ സെക്രട്ടറി മിനികൃഷ്ണ സ്നേഹോപഹാരം നൽകി. ടി.കെ. രജനി മറുപടി പ്രസംഗം നടത്തി. വോയ്സ് കേന്ദ്ര കമ്മിറ്റി ജനറൽ സെക്രട്ടറി കെ. ബിബിൻ ദാസ് സ്വാഗതവും കേന്ദ്ര കമ്മിറ്റി ട്രഷറർ കെ. ഗോപിനാഥൻ നന്ദിയും പറഞ്ഞു.