വിശ്വബ്രഹ്മം കുവൈത്ത് ഋഷിപഞ്ചമി ആഘോഷിച്ചു

കുവൈത്ത് സിറ്റി: വിശ്വകർമജരുടെ കലാ സാംസ്കാരിക സംഘടന വിശ്വബ്രഹ്മം കുവൈത്ത് ഋഷിപഞ്ചമി ആഘോഷിച്ചു. പ്രസിഡന്റ് കെ.ടി. ബിജു അധ്യക്ഷത വഹിച്ചു. ആനന്ദരാജ് ആചാര്യ പ്രാർഥനയും മുഖ്യപ്രഭാഷണവും നടത്തി. പ്രസിഡൻറ് കെ.ടി. ബിജുവും, പി.എം. വിജയനും ചേർന്ന് ഭദ്ര ദീപംകൊളുത്തി ഉദ്ഘാടനം ചെയ്തു.

ബിന്ദു, പ്രസാദ്, അനുരാജ്, ബിനോയ്‌, രവീന്ദ്രൻ ജഹ്‌റ (ഏരിയ കൺവീനർ) പ്രദീപ് (റിഗ്ഗായി ഏരിയ കൺവീനർ), രവീന്ദ്രൻ പനച്ചിക്കാട് (വൈസ് പ്രസിഡന്റ്) ഗൗതം ഗോപൻ എന്നിവർ പാട്ടുപാടി. പി.എം. വിജയൻ, പ്രദീപ് ഒളവറ, ബിനോയ്‌, രവീന്ദ്രൻ പനച്ചിക്കാട്, രവീന്ദ്രൻ ജഹറ എന്നിവർ സംസാരിച്ചു. സുശാന്ത് സുകുമാരൻ സ്വാഗതം പറഞ്ഞു.