കു​ടും​ബ​വി​സ ഇനി ഭാ​ര്യ​ക്കും കു​ട്ടി​ക​ൾ​ക്കും മാ​ത്ര​ം

കു​വൈ​ത്ത്​ സി​റ്റി: രാ​ജ്യ​ത്ത്​ 22ാം ന​മ്പ​ർ കു​ടും​ബ വി​സ അ​നു​വ​ദി​ക്കു​ന്ന​ത് ഭാ​ര്യ​ക്കും കു​ട്ടി​ക​ൾ​ക്കും മാ​ത്ര​മാ​യി പ​രി​മി​ത​പ്പെ​ടു​ത്തി. ആ​ഭ്യ​ന്ത​ര​മ​ന്ത്രാ​ല​യ​ത്തി​ലെ റ​സി​ഡ​ൻ​ഷ്യ​ൻ–​പാ​സ്​​പോ​ർ​ട്ട്കാ​ര്യ അ​ണ്ട​ർ സെ​ക്ര​ട്ട​റി മേ​ജ​ർ ജ​ന​റ​ൽ ശൈ​ഖ് മാ​സി​ൻ അ​ൽ ജ​ർ​റാ​ഹ് ആ​ണ് ഇ​തു​സം​ബ​ന്ധി​ച്ച ഉ​ത്ത​ര​വ് പു​റ​പ്പെ​ടു​വി​ച്ച​ത്.  ഇ​തോ​ടെ, വി​ദേ​ശ ജോ​ലി​ക്കാ​ർ​ക്ക് മാ​താ​പി​താ​ക്ക​ൾ,  സ​ഹോ​ദ​രീ– സ​ഹോ​ദ​ര​ന്മാ​ർ തു​ട​ങ്ങി​യ അ​ടു​ത്ത ബ​ന്ധു​ക്ക​ളെ കു​ടും​ബ വി​സ​യി​ൽ കു​വൈ​ത്തി​ലേ​ക്ക് കൊ​ണ്ടു​വ​രാ​ൻ സാ​ധി​ക്കാ​തെ​യാ​യി.

നി​ല​വി​ൽ ര​ക്ഷി​താ​ക്ക​ളും സ​ഹോ​ദ​ര​ങ്ങ​ളു​മാ​യി കു​ടും​ബ വി​സ​യി​ൽ കു​വൈ​ത്തി​ലു​ള്ള 11,500 പേ​ർ ഈ ​നി​യ​മ​ത്തി​െൻറ പ​രി​ധി​യി​ൽ​വ​രും. ഇ​വ​ർ​ക്ക് കു​ടും​ബ വി​സ വീ​ണ്ടും പു​തു​ക്കി​ക്കൊ​ടു​ക്കി​ല്ല. അ​തേ​സ​മ​യം, ഇ​വ​രെ പ്ര​ത്യേ​കം ബ്ലോ​ക്കാ​യി തി​രി​ച്ച് പാ​സ്​​പോ​ർ​ട്ടു​ക​ളി​ൽ അ​ട​യാ​ള​പ്പെ​ടു​ത്തും. ഈ ​വി​ഭാ​ഗ​ത്തി​ൽ​പ്പെ​ട്ട കു​ടും​ബ വി​സ​യു​ടെ കാ​ലാ​വ​ധി തീ​രാ​റാ​യ​വ​ർ റ​സി​ഡ​ൻ​ഷ്യ​ൽ ഡി​പ്പാ​ർ​ട്ട്​​മ​െൻറ് മേ​ധാ​വി​യു​ടെ ഓ​ഫി​സു​മാ​യി ബ​ന്ധ​പ്പെ​ട്ട് തു​ട​ർ​ന​ട​പ​ടി കൈ​ക്കൊ​ള്ള​ണം.

ഇ​ങ്ങ​നെ വി​സ തീ​ർ​ന്ന​വ​ർ​ക്ക് നാ​ട്ടി​ലേ​ക്ക് മ​ട​ങ്ങാ​നാ​വ​ശ്യ​മാ​യ ന​ട​പ​ടി​ക​ൾ​ക്കാ​യി മൂ​ന്നു മാ​സ​ത്തെ താ​ൽ​ക്കാ​ലി​ക ഇ​ഖാ​മ അ​നു​വ​ദി​ക്കും. നി​യ​മം പ്രാ​ബ​ല്യ​ത്തി​ലാ​യ​തോ​ടെ ഇ​ന്ത്യ​ക്കാ​രു​ൾ​പ്പെ​ടെ വി​ദേ​ശി​ക​ൾ​ക്ക് ഭാ​ര്യ, മ​ക്ക​ൾ എ​ന്നി​വ​രെ മാ​ത്ര​മേ കു​വൈ​ത്തി​ലേ​ക്ക് കു​ടും​ബ വി​സ​യി​ൽ കൊ​ണ്ടു​വ​രാ​ൻ സാ​ധി​ക്കൂ. അ​തോ​ടൊ​പ്പം, ഇ​പ്പോ​ൾ ഈ ​ആ​നു​കൂ​ല്യ​ത്തി​ൽ രാ​ജ്യ​ത്ത്​ താ​മ​സി​ക്കു​ന്ന മ​ല​യാ​ളി​ക​ളു​ൾ​പ്പെ​ടെ വി​ദേ​ശി​ക​ൾ​ക്ക് നാ​ട്ടി​ലേ​ക്ക് മ​ട​ങ്ങേ​ണ്ട​താ​യും വ​രും.