പ​രി​സ്ഥി​തി​ക്കെ​തി​രാ​യ അ​തി​ക്ര​മം വ​ർ​ധി​ക്കു​ന്ന​താ​യി റി​പ്പോ​ർ​ട്ട്

കു​വൈ​ത്ത് സി​റ്റി: രാ​ജ്യ​ത്ത് പ​രി​സ്ഥി​തി​ക്കെ​തി​രാ​യ അ​തി​ക്ര​മം ഗ​ണ്യ​മാ​യി വ​ർ​ധി​ക്കു​ന്ന​താ​യി റി​പ്പോ​ർ​ട്ട്. എ​ൻ​വ​യോ​ൺ​മെ​ന്റ് പൊ​ലീ​സ് ഡി​പ്പാ​ർ​ട്ട്‌​മെ​ന്റ് ന​ൽ​കി​യ സ്ഥി​തി​വി​വ​ര​ക്ക​ണ​ക്ക് പ്ര​കാ​രം വ​ർ​ഷ​വും കേ​സ് കൂ​ടു​ന്ന​താ​യി കാ​ണി​ക്കു​ന്നു. സ്വ​ദേ​ശി​ക​ളും വി​ദേ​ശി​ക​ളും പാ​രി​സ്ഥി​തി​ക നി​യ​മ ലം​ഘ​നം തു​ട​രു​ന്ന​താ​യാ​ണ് ക​ണ​ക്കു​ക​ൾ. ഈ ​വി​ഷ​യ​ത്തി​ൽ പ്ര​തി​മാ​സം അ​ഞ്ച് കേ​സ് രേ​ഖ​പ്പെ​ടു​ത്തി. ഏ​ഴു പ്ര​വാ​സി​ക​ളെ നാ​ടു​ക​ട​ത്തി.

2022 ജ​നു​വ​രി ഒ​ന്നു മു​ത​ൽ 2023 ഫെ​ബ്രു​വ​രി പ​കു​തി വ​രെ ഗു​രു​ത​ര പ​രി​സ്ഥി​തി നി​യ​മ​ലം​ഘ​ന​ത്തി​ന് 90 പ്ര​വാ​സി​ക​ളെ നാ​ടു​ക​ട​ത്തി​യ​താ​യി അ​ൽ റാ​യി റി​പ്പോ​ർ​ട്ടു ചെ​യ്തു.

പ്ര​കൃ​തി​ദ​ത്ത ക​രു​ത​ൽ മേ​ഖ​ല​യി​ൽ അ​തി​ക്ര​മി​ച്ചു ക​യ​റ​ൽ, മ​രം മു​റി​ക്ക​ൽ തു​ട​ങ്ങി​യ കൃ​ത്യ​ങ്ങ​ളി​ൽ ഏ​ർ​പ്പെ​ട്ട​തി​ന് 62 പേ​ർ​ക്കെ​തി​രെ ന​ട​പ​ടി​യെ​ടു​ത്തു. 90 പ്ര​വാ​സി​ക​ളെ നാ​ടു​ക​ട​ത്തി​യ കേ​സി​ൽ 33 പേ​രും നി​രോ​ധി​ത മ​ത്സ്യ​ബ​ന്ധ​ന​വു​മാ​യി ബ​ന്ധ​പ്പെ​ട്ട​വ​രാ​ണ്. മ​ണ്ണ് നി​ര​പ്പാ​ക്ക​ൽ, നി​രോ​ധി​ത പ്ര​ദേ​ശ​ങ്ങ​ളി​ൽ മാ​ലി​ന്യം വ​ലി​ച്ചെ​റി​യ​ൽ തു​ട​ങ്ങി​യ കേ​സു​ക​ളി​ലാ​ണ് 23 പേ​ർ​ക്കെ​തി​രാ​യ ന​ട​പ​ടി.