പ​രി​ശോ​ധ​ന ശ​ക്തം; താ​മ​സ, തൊ​ഴി​ൽ നി​യ​മ​ലം​ഘ​ന​ത്തി​ന് ഈ ​വ​ർ​ഷം അ​റ​സ്റ്റി​ലാ​യ​ത് 1461 പ്ര​വാ​സി​ക​ൾ

കു​വൈ​ത്ത് സി​റ്റി: താ​മ​സ, തൊ​ഴി​ൽ നി​യ​മ​ലം​ഘ​ന​ങ്ങ​ളു​ടെ പേ​രി​ൽ ഈ ​വ​ർ​ഷം രാ​ജ്യ​ത്ത് അ​റ​സ്റ്റി​ലാ​യ​ത് 1461 പ്ര​വാ​സി​ക​ൾ.

2025 ജ​നു​വ​രി ഒ​ന്നു മു​ത​ൽ ജൂ​ൺ 30 വ​രെ​യു​ള്ള കാ​ല​യ​ള​വി​ലെ സ്ഥി​തി​വി​വ​ര​ക്ക​ണ​ക്കു​ക​ളാ​ണ് ഇ​ത്. അ​ന്വേ​ഷ​ണ പ​രി​ധി​യി​ലു​ള്ള​വ​ർ, നി​യ​മ​ലം​ഘ​ക​ർ, ഒ​ളി​ച്ചോ​ടി​യ​വ​ർ, മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട കു​റ്റ​കൃ​ത്യ​ങ്ങ​ൾ, ഗ​താ​ഗ​ത ലം​ഘ​ന​ങ്ങ​ൾ എ​ന്നീ കാ​ര്യ​ങ്ങ​ളി​ലും അ​റ​സ്റ്റു​ക​ൾ ന​ട​ന്നു.

ലൈ​സ​ൻ​സി​ല്ലാ​ത്ത തെ​രു​വ് ക​ച്ച​വ​ട​ക്കാ​ർ​ക്കെ​തി​രാ​യ എ​ൻ​ഫോ​ഴ്സ്മെ​ന്റ് ന​ട​പ​ടി​ക​ളും ഡാ​റ്റ​യി​ൽ ഉ​ൾ​പ്പെ​ടു​ന്നു. മേ​ജ​ർ ജ​ന​റ​ൽ ഹ​മ​ദ് അ​ൽ​മു​നി​ഫി​യു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ താ​മ​സ, തൊ​ഴി​ൽ സം​ബ​ന്ധ​മാ​യ നി​യ​മ​ലം​ഘ​ന​ങ്ങ​ൾ​ക്ക് 1461 പ്ര​വാ​സി​ക​ളെ പി​ടി​കൂ​ടി. ഇ​തി​ൽ തൊ​ഴി​ൽ ച​ട്ട​ങ്ങ​ൾ ലം​ഘി​ച്ച 730 പേ​രും ഒ​ളി​ച്ചോ​ടി​യ​വ​രാ​യി അ​ട​യാ​ള​പ്പെ​ടു​ത്തി​യ 731 പേ​രും ഉ​ൾ​പ്പെ​ടു​ന്നു.

രാ​ജ്യ​ത്തെ 1,276 ചെ​ക്ക്പോ​സ്റ്റു​ക​ളി​ൽ സു​ര​ക്ഷാ​സേ​ന പ​രി​ശോ​ധ​ന​ക​ൾ ന​ട​ത്തി​യി​രു​ന്നു. ക്രി​മി​ന​ൽ കു​റ്റ​ങ്ങ​ളു​ടെ പേ​രി​ൽ 123 പേ​ർ, ഒ​ളി​ച്ചോ​ടി​യ​താ​യി റി​പ്പോ​ർ​ട്ട് ചെ​യ്യ​പ്പെ​ട്ട 731 പേ​ർ, തൊ​ഴി​ൽ, താ​മ​സ നി​യ​മ​ങ്ങ​ൾ ലം​ഘി​ച്ച 730 പേ​ർ, സാ​ധു​വാ​യ തി​രി​ച്ച​റി​യ​ൽ രേ​ഖ​യി​ല്ലാ​ത്ത 456 പേ​ർ എ​ന്നി​വ​രു​ടെ അ​റ​സ്റ്റ് രേ​ഖ​പ്പെ​ടു​ത്തി.