വടകര സി.എച്ച് സെൻറർ കുവൈത്ത് ചാപ്റ്റർ തുക കൈമാറി

കുവൈത്ത്​ സിറ്റി: വടകര സി.എച്ച് സെൻറർ കെട്ടിട നിർമാണത്തിന്​ കുവൈത്ത്​ ചാപ്റ്റർ നൽകുന്ന തുക വടകര സി.എച്ച് സെൻറർ ചെയർമാൻ പാറക്കൽ അബ്​ദുല്ല എം.എൽ.എ ഏറ്റുവാങ്ങി. കുവൈത്ത്​ ചാപ്റ്റർ നേതാക്കളായ ട്രഷറർ റഷീദ് ഒന്തത്ത്, മുഹമ്മദ് ഹാജി എടപ്പള്ളി, ഇബ്രാഹിം കൊടക്കാട്, സി.പി. നസറുദ്ദീൻ എന്നിവരുടെ സാന്നിധ്യത്തിൽ പ്രസിഡൻറ്​ ഫൈസൽ ഹാജി കൈമാറി. ഒ.കെ. കുഞ്ഞബ്​ദുല്ല അധ്യക്ഷത വഹിച്ചു. ജനറൽ സെക്രട്ടറി പി.വി. അബ്​ദുറഹ്​മാൻ സ്വാഗതവും ട്രഷറർ പി.പി. ചെക്കൻ ഹാജി നന്ദിയും പറഞ്ഞു. കോറോത്ത് സിദ്ദീഖ് ഹാജി, നജില അബ്​ദുല്ല, സി.പി. സിദ്ദീഖ്, ഇസ്മായിൽ എടച്ചേരി എന്നിവർ സംബന്ധിച്ചു. വടകര സി.എച്ച് സെൻറർ സെക്രട്ടറിമാരായ പി.എം. മുസ്തഫ, പി.കെ.സി. അഫ്സൽ എന്നിവർ സംസാരിച്ചു.