കുവൈത്തിലെ യു.എസ് എംബസി കോൺസുലാർ സേവനങ്ങൾ വിപുലീകരിച്ചു

കുവൈത്ത് സിറ്റി: കുവൈത്തിലെ യു.എസ് എംബസി വിസ അപേക്ഷകർക്കായി കോൺസുലാർ സേവനങ്ങൾ വിപുലീകരിച്ചു. എല്ലാ വിഭാഗങ്ങളിലുമുള്ള വിസ അപേക്ഷകർക്കും ഇനി ഓൺലൈൻ സംവിധാനത്തിലൂടെ അഭിമുഖ അപ്പോയിന്റ്മെന്റ് ബുക്ക് ചെയ്യാം.

അപ്പോയിന്റ്മെന്റ് ലഭ്യത അനുസരിച്ച് അപേക്ഷകർക്ക് ഇന്റർവ്യൂ തീയതി തെരഞ്ഞെടുക്കാനാകും. വിസ വിഭാഗവും ആവശ്യമായ രേഖകളും സംബന്ധിച്ച വിശദാംശങ്ങൾ എംബസിയുടെ ഔദ്യോഗിക വെബ്‌സൈറ്റിൽ ലഭ്യമാണ്. പുതിയ അപ്പോയിന്റ്മെന്റ് സ്ലോട്ടുകൾ ലഭ്യമാകുന്നതിനാൽ സംവിധാനം പരിശോധിക്കണമെന്നും എംബസി അറിയിച്ചു.