കി​ട​പ്പു​രോ​ഗി​ക്ക് ആ​ശ്വാ​സ​മാ​യി യു.​എ​ൻ.​എ; ആ​ന്ധ്ര സ്വ​ദേ​ശി​യെ നാ​ട്ടി​ലെ​ത്തി​ച്ചു

കു​വൈ​ത്ത് സി​റ്റി: കു​വൈ​ത്തി​ൽ നി​ന്നി​താ സ്നേ​ഹ സാ​ഹോ​ദ​ര്യ​ങ്ങ​ളു​ടെ മ​റ്റൊ​രു ക​ഥ കൂ​ടി. പ​ക്ഷാ​ഘാ​തം വ​ന്ന് ദീ​ർ​ഘ​നാ​ളാ​യി കു​വൈ​ത്തി​ൽ ചി​കി​ത്സ​യി​ലാ​യി​രു​ന്ന ആ​ന്ധ്രാ​പ്ര​ദേ​ശ് സ്വ​ദേ​ശി യു​നൈ​റ്റ​ഡ് ന​ഴ്സ​സ് അ​സോ​സി​യേ​ഷ​ൻ (യു.​എ​ൻ.​എ) പി​ന്തു​ണ​യി​ൽ നാ​ട്ടി​ലെ​ത്തി.

ര​ണ്ടു​വ​ർ​ഷ​മാ​യി മു​ബാ​റ​ക്ക് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന ഗു​ണ്ടൂ​ർ സ്വ​ദേ​ശി​നി രേ​വ​തി ചാ​ട​ൽ​വാ​ട​യെ​യാ​ണ് യു.​എ​ൻ.​എ ഇ​ട​പെ​ട്ട് നാ​ട്ടി​ൽ എ​ത്തി​ച്ച​ത്. തു​ട​ർ​ചി​കി​ത്സ​ക്കും ബ​ന്ധു​ക്ക​ളെ കാ​ണാ​നും നാ​ട്ടി​ലെ​ത്താ​ൻ രേ​വ​തി ആ​ഗ്ര​ഹി​ച്ചി​രു​ന്നു​വെ​ങ്കി​ലും നി​യ​മ പ്ര​ശ്നം മൂ​ലം യാ​ത്ര നീ​ണ്ടു. കൂ​ടെ യാ​ത്ര ചെ​യ്യാ​നു​ള്ള ആ​ളു​ടെ അ​ഭാ​വ​വും ത​ട​സ്സ​മാ​യി.

രേ​വ​തി​യു​ടെ പ്ര​യാ​സം അ​റി​ഞ്ഞ യു.​എ​ൻ.​എ വി​ഷ​യ​ത്തി​ൽ ഇ​ട​പെ​ടു​ക​യാ​യി​രു​ന്നു. ഇ​ന്ത്യ​ൻ എം​ബ​സി​യു​ടെ സ​ഹാ​യ​ത്താ​ൽ നി​യ​മ​പ്ര​ശ്ന​ങ്ങ​ൾ പ​രി​ഹ​രി​ച്ചു. യു.​എ​ൻ.​എ അം​ഗ​വും അ​മീ​രി ഹോ​സ്പി​റ്റ​ലി​ലെ ന​ഴ്സി​ങ് സ്റ്റാ​ഫു​മാ​യ ആ​ന്റ​ണി സു​നി​ൽ രോ​ഗി​യെ അ​നു​ഗ​മി​ക്കാ​നും മു​ന്നോ​ട്ടു​വ​ന്നു.യു.​എ​ൻ.​എ സോ​ഷ്യ​ൽ വെ​ൽ​ഫെ​യ​ർ ടീം ​അം​ഗ​ങ്ങ​ളാ​യ നി​ഹാ​സ് വാ​ണി​മേ​ൽ, താ​ര മ​നോ​ജ്, ധ​ന്യ​രാ​ജ് എ​ന്നി​വ​ർ യാ​ത്ര​ക്കു​ള്ള സ​ജ്ജീ​ക​ര​ണ​ങ്ങ​ൾ ഒ​രു​ക്കി. ഒ​ടു​വി​ൽ എ​ല്ലാ ത​ട​സ്സ​ങ്ങ​ളും നീ​ങ്ങി ക​ഴി​ഞ്ഞ ദി​വ​സം രേ​വ​തി ചാ​ട​ൽ​വാ​ട നാ​ട്ടി​ലെ​ത്തി.ആം​ബു​ല​ൻ​സി​ൽ വി​മാ​ന​ത്താ​വ​ള​ത്തി​ലെ​ത്തി​ച്ച രേ​വ​തി​ക്ക് വി​മാ​ന​ത്തി​ൽ പ്ര​ത്യേ​ക സൗ​ക​ര്യ​വും ഒ​രു​ക്കി​യി​രു​ന്നു. രേ​വ​തി​യെ ബ​ന്ധു​ക്ക​ൾ​ക്ക് കൈ​മാ​റി​യാ​ണ് ആ​ന്റ​ണി സു​നി​ൽ മ​ട​ങ്ങി​യ​ത്.