'കുട കുവൈത്ത്‌' വാർഷിക ജനറൽ ബോഡി

കുവൈത്ത് സിറ്റി: കേരളത്തിലെ 14 ജില്ലകളിലെയും ജില്ല സംഘടനകളുടെ കൂട്ടായ്മയായ കേരള യുനൈറ്റഡ്‌ ഡിസ്ട്രിക്ട്‌ അസോസിയേഷൻ കുവൈത്ത്‌ (കുട) 2022ലെ വാർഷിക പൊതുയോഗം സാൽമിയ മെട്രോ സൂപ്പർ സ്പെഷാലിറ്റി മെഡിക്കൽ കെയർ ഹാളിൽ സംഘടിപ്പിച്ചു.

ജനറൽ കൺവീനർ പ്രേംരാജ്‌ പാലക്കാട്‌ അധ്യക്ഷത വഹിച്ചു. നിസാം തിരുവനന്തപുരം, ജിനോ എറണാകുളം, റിയാസ്‌ ഇല്യാസ്‌ തോട്ടത്തിൽ എന്നിവർ സംസാരിച്ചു. തുടർന്ന് നടന്ന തെരഞ്ഞെടുപ്പിൽ കുടയുടെ 2022-23ലെ ഭാരവാഹികളെ തിരഞ്ഞെടുത്തു. മുൻ കൺവീനർമാരായ സലീംരാജ്‌ കൊല്ലം, രാജീവ്‌ നടുവിലേമുറി ആലപ്പുഴ എന്നിവർ നേതൃത്വം നൽകി.കുട കൺവീനർ മുബാറക് കാമ്പ്രത്ത്‌ സ്വാഗതവും നിയുക്ത കുട ജനറൽ കൺവീനർ ചെസ്സിൽ രാമപുരം നന്ദിയും പറഞ്ഞു.